فرانسادا ۱۰ پ‌کاکا عضوو گؤز آلتینا آلیندی

"ترور هؤرگوتو قورماق و مالی دستک ساغلاماق" سوچو ایله آچیلان سوروشدورما چرچیوه‌سین‌ده بیری قادین اولماقلا ۱۰ نفرین گؤز آلتینا آلیندیغی بیلدیریلدی

1607322
فرانسادا ۱۰ پ‌کاکا عضوو گؤز آلتینا آلیندی

فرانس پولیسینین تشکیل ائتدیی عملیات‌دا بؤلوجو ترور هؤرگوتو پ‌کاکانین ۱۰ عضوو گؤز آلتینا آلیندی.

فرانسا مطبوعاتینین عدلی قایناقلارا دایاندیردیغی خبرده، پاریس ‌ترور ایله مباریزه حاکمینین طلبی ایله پ‌کاکایا قارشی بیر عملیات گئچیریلدیگی قید ائدیلدی.

"ترور هؤرگوتو قورماق و مالی دستک ساغلاماق" سوچو ایله آچیلان سوروشدورما چرچیوه‌سین‌ده بیری قادین اولماقلا ۱۰ نفرین گؤز آلتینا آلیندیغی بیلدیریلدی.

عملیات‌دا ائولره ده باسقین ائدیلدیگی ده ایفاده ائدیلیرکن، ۲۱ فوریه ۲۰۲۰.جی ایل تاریخین‌ده فرانسانین گونئی باتیسیندا ترور هؤرگوتو پ‌کاکایا مالی دستک تامین ائتمک سوچلاماسی ایله ۴ نفر حاقیندا سوروشدورما آچیلدیغی بیلدیریلدی.

گئچه‌ن ایل آچیلان سوروشدورما ایله پلیسین حیاتا گئچیردیی عملیات آراسین‌دا باغلانتی اولوب اولمادیغینین بیلینمه‌دیگی ایفاده ائدیلدی.

سؤزوگئدن عملیاتلا باغلی رسمی آچیقلاما وئریلمه‌دی.



ایلگیلی‌لی خبرلر