کؤچمنلرین وطنداش اولماسینین یولو آچیلدی

آمریکا نماینده‌لر مجلیسی، اؤلکه‌یه یاسادیشی یوللارلا گیرمیش میلیونلارجا کؤچمنه وطنداش‌لیق یولونو آچان اؤنملی آددیم آتدی.

مجلیسده ۱۹۷یوخ سسینه قارشیلیق دموکراتلارین سسلری ایله، ۲۲۸ اولور سسی ایله قبول ائدیله‌ن ایلک لایحه، ساییلاری تخمیناً  ایکی میلیون اولان و اوشاق یاشدا آمریکایا یاسادیشی یوللارلا آپاریلمیش کؤچمنلرین وطنداش اولمالارینا ایمکان وئریر. آمریکادا "دریمرس" اولاراق دا تانیملانان کؤچمنلرین معین شرطلری ساغلامالاری دوروموندا، بللی بیر تقویمه گؤره وطنداش‌لیقلاری مومکون اولاجاق.

عینی قانون لایحه‌سی، آمریکایا مختلیف اؤلکه‌لردن اینسانی سببلرله سیغینمیش اولان یوز مینلرجه کؤچمنین ده وطنداش اولابیلمه‌لرینی اؤن‌گؤرن ماده‌لر احتیوا ائدیر.

قبول ائدیلن ایکینجی لایحه ایسه، اؤلکه‌ده یاسادیشی اولاراق چالیشان و ساییلاری ۱ میلیونا چاتان تاریم ایشچیلرینین ده معین شرطلر ایله وطنداش اولمابیلمه‌لرینه ایمکان وئریر.

۱۷۴ یوخ سسینه قارشی، ۲۴۷ اولور سسی ایله قبول ائدیلن بو لایحه ده دموکراتلارین سسلری ایله تصویب ائدیلدی.