آمریکا: روسیادان ائتدیکلری اوچون موطلق حساب سوروشولاجاق
"بیزیم حکؤمتیمیز روسیایا قارشی ترامپ یؤنتیمین‌دن فرق‌لی بیر توتومدا اولاجاق. روسیا ایله ایلیشکیلرده، قایغی دویدوغوموز ساحه‌لرده دقیق اولاجاغیق"
آمریکادا آغ ائو سؤزچوسو جن ساکی، روسیا ایله ایلیشکیلرین اؤنجه‌کی پرزیدنت دونالد ترومپ دؤوروندن فرق‌لی اولاجاغینا اشاره ائده‌رک،
"روسیادان ائتدیکلرینین حسابی سوروشولاجاق" ایفاده‌سینی ایشلتدی.
جن ساکی آغ ائوده تشکیل ائدیله‌ن گونده‌لیک مطبوعات کنفرانسین‌دا، آمریکا پرزیدنتی جو بایدنین روسیا پرزیدنتی ولادیمیر پوتین حاقین‌دا "قاتیل" دئدیک‌دن سونرا روسیانین واشینگتن ائلچیسینی موسکوایا چاغیرماسی ایله باغلی آچیقلامالار وئردی.
بو گلیشمه‌لردن خبردار اولدوغونو وورغولایان ساکی،
"بیزیم حکؤمتیمیز روسیایا قارشی ترامپ یؤنتیمین‌دن فرق‌لی بیر توتومدا اولاجاق. روسیا ایله ایلیشکیلرده، قایغی دویدوغوموز ساحه‌لرده دقیق اولاجاغیق" دگرلندیرمه‌سینی وئردی.
روس مخالیف آلکسی ناوالنینین زهرله‌نمه‌سی قونوسوندا استخبارات راپورونو یاییملادیقلارینی خاطیرلادان ساکی،
"آنجاق امکداش‌لیق ائده‌بیله‌جگیمیز ساحه‌لرین اولدوغونو دا دوشونوروک. مثلاً نیو استارت آنلاشماسی، نوکلئر سیلاحسیزلانما مثلاً" دئیه دانیشدی
قایغی دویدوقلاری قونولاردا روسیایا قارشی آچیق اولاجاقلارینی وورغولایان ساکی،
"روسیادان ائتدیکلری اوچون موطلق حساب سوروشولاجاق" دئدی.
