بوگون ۸ مارس دونیا قادینلار گونو
۸ مارس‌دا یاندیریلاراق اؤلدوروله‌ن ۱۲۹ قادین ایشچینین خاطره‌سینه هر ایل ۸ مارس گونونون اولوسلارآراسی قادینلار گونو اولماسی تکلیف ائیلدی
قادینلارین کیشیلرله برابر حقوق‌لو اولماق اوغرون‌دا آپاردیغی موباریزه باشلانغیج کیمی ۸ مارس ۱۸۵۷.جی ایلده آمریکانین نیویورک شهرین‌ده گئییم سئکتورون‌دا چالیشان یوزلرله قادینین آشاغی آیلیغا، اوزون چالیشما ساعتلارینا، عینی زامان‌دا پیس ایش شرایطینه اعتراض اولاراق تعطیل ائتمه‌سی قبول ائدیلیر.
۱۹۰۸.جی ایلده نیویورک‌دا ۱۵۰۰۰ قادین داها قیسا چالیشما ساعتی، داها یاخشی گلیر و سس‌وئرمه حقوقو اوچون گؤستری گئچیردی. گؤستریده ایلک دفعه اولاراق آنالیق ایجازه‌سی ایسته‌یه‌ن قادینلارین شعاری «چؤرک و گول» ایدی. چؤرک حیات عشقینی، قارین توخلوغونو، گول ایسه داها یاخشی حیات طرزینی ایفاده ائدیردی.
۱۹۰۹.جو ایلده ایسه آوروپاداکی قادینلار فوریه آیینین سون بازار گونونو ایلک قادین گونو اولاراق قوتلامیشلار.
۱۹۱۰.جو ایلده (۱۸۵۷.جی ایل حادثه‌لردن ۵۲ ایل سونرا) دانمارکین کپنهاک شهرین‌ده گئچیریله‌ن قادین سوسیالیست اینترناسیونالینین قورولتایین‌دا کلارا ستکین آدلی بیر آلمان سوسیالیست قادینی ۱۸۵۷.جی ایلین ۸ مارسین‌دا نیویورک‌دا باشلایان موباریزه‌نین، قادین حاقلارینین گئنیشلندیریلمه‌سی و قادین دایانیشماسینین سمبولو اولاراق، آمریکادا ۸ مارس‌دا یاندیریلاراق اؤلدوروله‌ن ۱۲۹ قادین ایشچینین خاطره‌سینه هر ایل ۸ مارس گونونون اولوسلارآراسی قادینلار گونو اولماسینی تکلیف ائتدی و بو تکلیفی قبول ائدیلدی.
قادینلارین کوتلوی شکیل‌ده ساوادلانماسی، معین حقوقلارا مالیک اولماسی بو دؤوره تصادف ائدیر.
۱۹۹۸.جی ایلده آذربایجان‌دا عائله، اوشاق و قادین پروبلئملری اوزره دؤولت کمیته‌سی یارادیلدی.
آذربایجان هم ده آوروپا شوراسینین قادینلارلا باغلی بیروسون‌دا تمثیل اولونور، بیرلشمیش میلتلرنین قادین مسئله‌لری اوزره کمیسیونونون تام حقوق‌لو عضوودور.
۱۹۹۵.جی ایلده ایسه آذربایجان رسمی شکیل‌ده قادینلارا قارشی ایلیشکی‌ده آیری-سئچکیلیین بوتون شکلیللرینین آرادان قالدیریلماسی حاقین‌دا اولوسلارآراسی سؤزلشمه‌یه قوشولدو.
بوتون قادینلاریمیزین گونو قوتلو اولسون!
