امریکا تورکیه ایله اورتاق ماراق‌لاری اولدوغونو بیلدیردی

امریکا خاریجی ایشلر ناظیرلیگی‌ سؤزچوسو ند پرایس تورکیه ایله اورتاق ماراق‌لارا دقت چکه‌رک، "اورتاق اونجه لیکلریمیز مسئله سینده امکداش‌لیق یول‌لاری آختاریریق و هر متفیق ایله اولدوغو کیمی فیکیر آیری‌لیق‌لاری مسئله سینده دا دیالوق سوره جینی  داوام ائتدیریریک".

پرایس خاریجی ایشلر ناظیرلیگینده تشکیل ائدیلن مطبوعات کنفرانسیندا گوندم‌دکی مؤوضوع لاری قیمتلندیریب.

پرایس تورکیه-‌نین اوزون موددت‌لی و دیرلی بیر ناتو طرفداشی اولدوغونو وورغولاییب.

"تورکیه ایله سوریه-ده کی ساواشی باشا چات‌دیرماق، ترورا قارشی موباریزه آپارماق و بؤلگه‌دکی پیس نیت‌لری چکیندیرمک داخیل اولماقلا بیر چوخ اورتاق ماراق‌لاریمیز وار" دئیه بیلدیرن پرایس "کریتیک مسئله‌لرده رسمی آنکارانین ترانس آتلانتیک اتفاقی‌نین تعقیب ائتدیگی ایستیقامته صادق قالدیغینی تامین ائدرکن و تورکیه ایله ماراق‌لاریمیزی قورویارکن قانونون عالی‌‌لیگی و اینسان حقوق‌لاری دا داخیل اولماقلا دیرلریمیزه صادق قالا بیلریک" دئییب.

پرایس آیریجا امریکانین خاریجی ایشلر ناظیری آنتونی بلینکنین یاخین گون‌لرده خاریجی ایشلر ناظیری مولود چاووش اوغلو ایله تلفون دانیشیغی آپاراجاغینی دا قئید ائدیب.