ایران ایله آمریکا آراسیندا آنلاشما-تحریم دوئلی

علی خامنه‌ای: شرطی تعیین ائتدیک و گئری آلینمایاجاق

1579102
ایران ایله آمریکا آراسیندا آنلاشما-تحریم دوئلی

آمریکا پرزیدنتی جو بایدن، اورانیم زنگینلشدیرمه پروسه‌سینی دوردورانا قدر ایرانا اویقولانان تحریملری لغو ائتمه‌یه‌جکلرینی آچیقلادی.
جو بایدن۲۰ ژانویه‌ده رسما باشقان اولدوقدان سونرا ایلک تلویزیون مصاحبه‌سینی سی‌بی‌اس کانالینا وئردی.
مصاحبه‌نین ایرانلا باغلی بؤلومون‌ده بایدن نوکلئر آنلاشما ایله ایلگیلی آچیقلامالار وئردی.
"بایدن، آمریکا اؤنجه ایرانی دانیشیقلار ماساسینا گتیرمک اوچون تحریملری گؤتوره‌جک‌می؟" سوالینا،
"یوخ. اؤنجه اونلار اورانیم زنگینلشدیریلمه‌سینی دوردورمالی‌دیرلار" جاوابینی وئردی.
بایدن رهبرلیگی اؤنجه‌کی آچیقلامالارین‌دا، "معین شرطلر یئرینه یئتیریلدیگی تقدیرده" ایرانلا نوکلئر آنلاشمایا قاییتماق نیتین‌ده اولدوغونو بیلدیرمیشدی.
ایران لیدئری آیت‌الله علی خامنه‌ای ایسه، اؤلکه‌سینین نوکلئر آنلاشماسین‌دان ایر‌لی گلن تعهدلارینی یئرینه یئتیرمه‌سی اوچون آمریکانین اؤنجه بوتون تحریملری قالدیرماسی لازیم اولدوغونو بیلدیرمیشدی.
علی خامنه‌ای، تحریملری لغو ائتمک اوچون اورانیم زنگینلشدیریلمه‌سینین دوردورولماسینی شرط قوشان آمریکا پرزیدنتی جو بایدنین تویترده‌کی سون آچیقلاماسینا جاواب اولاراق،
"شرطی تعیین ائتدیک و گئری آلینمایاجاق" دئدی.
ایران خاریجی ایشلر باخانی محمد جواد ظریف ده بیر تلویزیون پروگرامینا قاتیلاراق آمریکا ایله نوکلئر آنلاشمانی یئنی‌دن موذاکیره ائتمه‌یه‌جکلرینی بیلدیررک،
"ایران نوکلئر آنلاشمایا صادق‌دیر و آمریکانین یئنی‌دن آنلاشمایا قاییتماسی ایله ماراقلانیریق" دئدی.



ایلگیلی‌لی خبرلر