جو بایدن امریکا-یا دیپلماسی‌‌نین گئری قاییتدیغینی سؤیله‌ییب

امریکا پرزیدنتی جو بایدن سعودیه عربیستانینا یمن-‌دکی ساواش‌دا وئردیک‌لری حربی دستگیینه سون قویدوق‌لارینی بیلدیریب.

1578142
جو بایدن امریکا-یا دیپلماسی‌‌نین گئری قاییتدیغینی سؤیله‌ییب

امریکا پرزیدنتی جو بایدن سعودیه عربیستانینا یمن-‌دکی ساواش‌دا وئردیک‌لری حربی دستگیینه سون قویدوق‌لارینی بیلدیریب.

بایدن پرزیدنت اولدوقدان سونرا ایلک زیارتینی خاریجی ایشلر ناظیرلیگینه رئاللاشدیریب و اورا‌داکی چیخیشیندا "دیپلماسی گئری قاییتدی" ایفاده‌سینی ایشله‌دیب.

امریکانین میقیاسدا دیپلماسیآدیم‌لارینی گوجلندیرجگینی و پروبلئم‌لرین حلینده دیپلوماسی‌یه دقت یئتیرجیینی قئید ائدن بایدن خاریجی ایشلر ناظیری آنتونی بلینکن و تیمینه گووندیگینی دیله گتیریب.

سابیق پرزیدنت دونالد ترامپین دؤورونه توخونا‌راق، "روسیانین آگرسیو حرکت‌لری قارشی‌سیندا امریکانین تسلیم گونلری بیتدی" دین بایدن ناوالنی‌نین درحال و قئید-شرط‌سیز سربست بوراخیلماسی‌نین واجیب‌لیگینی ایفاده ائدیب.

آلمانیا‌دان قوشون‌لارین چیخاریلماسی سوره جینی ایسه دایاندیردیغینی سؤیله‌ین بایدن اؤلکه‌سی‌نین یمن-‌ده‌کی محاربه‌ده سعودیه عربیستانینا حربی دستگینه سون وئردیگینی ده آچیقلاییب.

بایدن یمن-ده‌کی وضعیته اوستونلوک وئردیک‌لرینی وورغولایا‌راق، سعودیه عربیستانینا سلاح ساتیشینی دایاندیردیغینی سؤیله‌ییب.



ایلگیلی‌لی خبرلر