میانمار-داکی چئوریلیشه اولوسلار آراسی توپلومون رئاکسیاسی

بیرلشمیش میللت‌لر تشکیلاتی‌نین (بمت) باش کاتیبی آنتونیو گوتوش میانمار-دا اوردونون حاکمیتی اله کئچیرمه‌سینی و سیویل حکومت رسمی‌لری‌نین حبس اولونماسینی سرت دیلله قیناییب.

1575099
میانمار-داکی چئوریلیشه اولوسلار آراسی توپلومون رئاکسیاسی

میانمار-دا اوردونون حاکمیتی اله کئچیرمه‌سی و سیویل حکومت رسمی‌لری‌نین حبسی دونیادا رئاکسیا‌لارا سبب اولدو.

بیرلشمیش میللت‌لر تشکیلاتی‌نین (بمت) باش کاتیبی آنتونیو گوتوش میانمار-دا اوردونون حاکمیتی اله کئچیرمه‌سینی و سیویل حکومت رسمی‌لری‌نین حبس اولونماسینی سرت دیلله قیناییب.

بمت باش کاتیبی سؤزچوسو استفان دوجاریک واسیطه‌سیله یایدیغی بیاناتدا میانمار-دا اوردونون بوتون قانون وئریجی، ایجرا ائدیجی و محکمه صلاحیت‌لرینی اله کئچیرمه‌سیندن درین ناراحات‌لیغینی دیله گتیریب.

بو حادثه‌لرین میانمار-‌داکی دموکراتیک اصلاحات‌لارا جدی ضربه ووردوغونو سؤیله‌ین گوترش پرزیدنت وین مینت و دؤولت شوراسی‌نین صدری و خاریجی ایشلر ناظیری آنگ سان سوچی‌نین حربیچی‌لر طرفیندن حبس اولونماسینی کسکین شکیلده قیناییب.

میانمار اوردوسونو 8 نوامبر  2020-جی ایل تاریخینده کئچیریلمیش سئچکی‌لرین نتیجه‌لرینه و دموکراتیک نورما‌لارا حؤرمتله یاناشماغا چاغیران گوترش فیکیر آیری‌لیق‌لارینین زوراکی‌لیق‌دان ایمتینا ائده‌رک و اینسان حقوق‌لارینا و اساس آزادلیق‌لارینا حؤرمت چرچیوه‌سینده حل ائدیلمه‌لی اولدوغونو وورغولاییب.

امریکا-دا آغ ائوین سؤزچوسو جن ساکی "امریکا میانمار اوردوسونون دؤولت شوراسی‌نین صدری و خاریجی ایشلر ناظیری آنگ سان سوچی‌ و دیگر سیویل مامورلارین توتولماسی دا داخیل اولماقلا، اؤلکه‌دکی دموکراتیک کئچید پروسه سینی پوزماق اوچون آتدیغی آدیم‌لاردان ناراحات‌دیر" ایفاده‌لریندن ایستیفاده ائدیب.

ساکی امریکا پرزیدنتی جو بایدن‌ین میانما‌رداکی چئوریلیشله علاقه‌دار میللی تهلوکه‌سیزلیک موشاویری جیک سولیوان‌دان معلومات آلدیغینی بیل‌دیرن ساکی "بیز میانمارین دموکراتیک قوروم‌لارینی دستکلمه‌یه داوام ائدیریک و بولگه سل طرفداش‌لاریمیزلا کووردیناسیون ایچری سینده اوردو و دیگر طرف لره دموکراتیک نورما‌لارا و قانونون عالی ‌لیگینه رعایت ائتمه‌یه و بو گون حبس اولونان‌لاری سربست بوراخماغا چاغیریریق" دئییب.

امریکانین میانمار-‌داکی سئچکی نتیجه‌لرینی دییش‌دیرمک و یا اؤلکه‌نین دموکراتیک کئچید پروسه‌سی‌نین قارشی‌سینی آلماق جهدلرینه قارشی اولدوغونو قئید ائدن ساکی "بو آدیم‌لار گئری آتیلماسا امریکا مسئول لارا قارشی تدبیر گؤره‌جک" خبردارلیغینی ائدیب.

آوسترالیانین خاریجی ایشلر ناظیری ماریس پاین پرزیدنت وین مینت  و دؤولت شوراسی‌نین صدری و خاریجی ایشلر ناظیری آنگ سان سوچی‌‌نین حبس‌یندن ناراحات اولدوق‌لارینی سؤیله‌ییب.

پاین ناظیرلیگین رسمی صحیفه‌سیندکی یازیلی بیاناتیندا میانمار اوردوسونون اؤلکه‌نین حاکمیتینی بیر داها اله کئچیرمه‌یه چالیشدیغینی بیلدیریب و توتولان‌لارین درحال سربست بوراخیلماسینی ایسته‌ییب.

ژاپونیا-دا ناظیرلر کابینه‌سی‌‌نین باش کاتیبی کاتو کاتسونوبو میانماردا اؤلکه رهبرلری‌نین توتولماسینا رئاکسیا گؤستریب و اؤلکه‌ده "دموکراسی" قاییدیلماغا چاغیریب.

بو آرادا، میانماردا اوردونون حاکمیتی اله کئچیرمه‌سی و سیویل حکومت رسمی‌لرینی حبس ائتمه‌سیندن سونرا حاکم پارتی خالقی چئوریلیشه قارشی چیخماغا و حربی دیکتاتورا ایجازه وئرمه‌مه‌یه چاغیریب.

آنگ سان سوچی‌نین صدرلیک ائتدیگی میللی دموکراتیک بیرلیگین "فیسبوک" صحیفه‌سینده یاییم‌لانان بیاناتدا اوردونون آنایاسایا و خالقین ایراده‌سینه محل قویمایان حرکتی‌نین قانون‌سوز اولدوغونو بیلدیریب.



ایلگیلی‌لی خبرلر