آوروپا بیرلیگی لیدرلری کووید-19 مسئله‌سینی موذاکیره ائده‌جک‌لر

آوروپا بیرلیگی اؤلکه‌لرینین لیدرلری ویدئو-کنفرانس مئتودو ایله بیر آرایا گله‌رک یئنی نوع کوروناویروسا (کووید-19) قارشی گؤرولن تدبیرلر، آشی لارین تامینی و پایلانماسی، آشی اولونموش شخص‌لرین سرتیفیکا کیمی مسئله‌لری موذاکیره ائده‌جک‌لر.

ژانویه‌نین 21-ی آخشام کئچیریله‌جک آوروپا بیرلیگی لیدرلری‌نین ییغینجاغیندا عضو اؤلکه‌لر طرفیندن گؤرولن تدبیرلرین کووردیناسیونو، کوروناویروسون یئنی نؤع ‌لرینه قارشی تدبیرلر، تست و تعقیب استراتژی لری موذاکیره ائدیله‌جک.

ایندییه‌دک آوروپا بیرلیگی-ده تصدیقلنمیش "بیون تک" و "فایزر" ایله "مدرنا" طرفیندن حاضیرلانان آشی لار 2020-جی ایلین دسامبریندان بری اها‌لییه تطبیق ائدیلیر.

"استرازنکا" ایله آکسفورد بیلیم یوردو طرفیندن حاضیرلانان آشی نین تصدیق قراری‌نین ایسه بو آیین آخیریندا قبول ائدیله‌جگی گؤزلنیلیر.

آوروپا بیرلیگی کمیسیونو ایندییه‌دک آشی حاضیرلایان شیرکت‌لرله عضو اؤلکه‌لر آدیندان ایمضالادیغی 6 موقاویله ایله تخمینن 2،3 میلیارد دوز آشی سفارش وئریب.