دونیادا کوروناویروسا یولوخان‌لارین سایی 96 میلیونا یاخینلاشیب

دونیادا یئنی نوع کوروناویروس‌دان اؤلنلرین سایی آرتماقدا داوام ائدیر.

1566515
دونیادا کوروناویروسا یولوخان‌لارین سایی 96 میلیونا یاخینلاشیب

دونیادا یئنی نوع کوروناویروس‌دان اؤلنلرین سایی 2 میلیون 46 مینی، انفکسیونا یولوخان‌لارین سایی 95 میلیون 905 مینی، ویروس‌دان معالیجه اولونا‌راق ساغالان‌لارین سایی دا 68 میلیون 430 مینی کئچیب.

ایتالیا-دا اپیدمی سببیله سون 24 ساعات عرضینده 377 نفرین حیاتینی ایتیرمه‌سیله اؤلکه‌ده اینسان ایتکی‌سی 82 مین 554-ا چاتیب. اؤلکه‌دکی یولوخما‌لارین سایی ایسه 8 مین 825 آرتا‌راق 2 میلیون 380 مین 102-یه یوکسلیب.

امریکا-دا کوروناویروسا یولوخان‌لارین سایی 24 میلیون 18 مین 793 نفره چاتیب.

اؤلکه اوزره تصدیقلنمیش کوروناویروس خستلیگیندن 398 مین 307 نفر دونیاسینی دییشیب.

امریکا پرزیدنتی دونالد ترامپ 2020-جی ایلین مارس آییندا شنگئن بؤلگه‌سینده‌کی آوروپا اؤلکه‌لریله یاناشی، اینگیلتره، ایرلاندیا و برزیل-دن امریکا-یا سیاحت ائدن خاریجی وطنداش‌لارین سیاحت قاداغا‌لارینی لغو ائدیب. امریکا پرزیدنتی سئچیلن جو بایدن‌ین آغ ائو سؤزچوسو جن پساکی توییتر حسابیندا "ساغلیق قروپونون توصیه‌سینه اویغون اولا‌راق رهبرلیگین همین سیاحت قاداغا‌لارینی 26 ژانویه ده لغو ائتمه کیمی بیر نیتی یوخ‌دور، عکسینه "کووید-19"ون یاییلماسی‌نین قارشی‌سینی آلماق اوچون اولوسلار آراسی سیاحت مسئله سینده کی توپلوم ساغلیغی تدبیرلرینی آرتیرماغی پلان‌لاش‌دیریریق" بیاناتینی وئریب.

برزیل-ده "کووید-19"دان اؤلن‌لرین سایی 210 مین 328-ا یوکسلیب. اؤلکه‌دکی یولوخما‌لارین سایی 8 میلیون 512 مینه چیخیب.

مکزیکا-دا اپیدمی سببیله اؤلن‌لرین سایی 141 مین 248-ا، یولوخما‌لارین سایی ایسه 1 میلیون 649 مینه یوکسلیب.

اینگیلتره-‌ده ویروس سببیله اؤلن‌لرین سایی 89 مین 860، یولوخان‌لارین سایی ایسه 3 میلیون 433 مین اولوب.

فرانسا-دا ویروس‌دان اؤلن‌لرین سایی 70 مین 686، ویروسا یولوخان‌لارین سایی ایسه 2 میلیون 914 مینه چاتیب. جمهور باشقانی امانوئل ماکرونون "کووید-19" واکسنی ایله باغلی یالنیز باش ناظیر ژان کاستکس ساغلیق ناظیری اولیویر وران، صنایع  ناظیری و حکومت سؤزچوسو بیر آچیقلاما وئرمه‌یه ایجازه وئردیگی، دیگر ناظیرلرین آچیقلاما وئرجگی تقدیرده استعفا‌لارینی گؤزله‌دیگی ایفاده ائدیلیب.

"کووید-19" سببیله ایسپانیا-دا اؤلن‌لرین سایی 53 مین 769 اولوب. اؤلکه‌ده خسته‌لرین سایی 2 میلیون 914 مینه چیخیب.

آلمانیا-دا اپیدمی‌ده اینسان ایتکی‌سی 48 مین 105-ا، یولوخما‌لارین سایی ایسه 2 میلیون 59 مینه یوکسلیب.



ایلگیلی‌لی خبرلر