دونیا ساغلیق تشکیلاتی آشی‌لاما ایله باغلی خبردارلیق ائدیب
دونیا ساغلیق تشکیلاتی‌نین باش دیرکتورو تدروس آدهانوم کوروناویروس علیهینه آشی لاما مسئله سینده معنوی اوغورسوزلوق باره‌ده خبردارلیق ائدیب.
دونیا ساغلیق تشکیلاتی‌نین باش دیرکتورو تدروس آدهانوم کوروناویروس علیهینه آشی لاما مسئله سینده معنوی اوغورسوزلوق باره‌ده خبردارلیق ائدیب.
دونیا ساغلیق تشکیلاتی‌نین باش دیرکتورو تدروس آدهانوم ایندییه‌دک دونیانین 49 زنگین اؤلکه‌سینده کوروناویروسا قارشی 39 میلیون دوز آشی اولماسی موقابیلینده ان یوخسول اؤلکه‌لرین بیرینده جمعی 25 نفره آشی وورولماسی‌نین جدی تهلوکه تشکیل ائتدیگینی بیلدیریب.
تدروس آدهانوم تشکیلاتین ایجراچی کومیته‌سی‌نین ایجلاسیندا ائتدیگی چیخیشدا دئییب:
"آچیق دئمه‌لییم، دونیا فلاکته برابر معنوی اوغورسوزلوغون آستاناسیندا‌دیر و بو اوغورسوزلوق دونیانین ان یوخسول اؤلکه‌لرینده یاشاماق و گوزران باهاسینا باشا گله‌جک. حاضیردا موختلیف اؤلکه‌لرین ساکین‌لرینه برابر آشی ایمکان‌لارینی تامین ائتمک پلان‌لاری جدی تهلوکه آلتیندا‌دیر".
"زنگین اؤلکه‌لرده داها گنج و ساغلام شخص‌لرین یوخسول اؤلکه‌لردکی ساغلیق ایشچی‌لریندن و یاش‌لی اینسان‌لاردان اول آشی اولونما‌لاری دوزگون دئییل"، – دئیه تشکیلات رهبری ایندییه‌دک میلیون‌لارلا دوز آشی سفارش ائتمیش قاباقجیل اؤلکه‌لری همین آشی لارین بیر حیسه‌سینی کاسیب اؤلکه‌لرله پایلاشماغا چاغیریب.
خاطیرلاداق کی، دونیا ساغلیق تشکیلاتی نین‌کووردیناسیون ائتدیگی " COVAX" پروقرامی پتانسیل "کووید-19" آشی سینی اینکیشاف و اوره تمک، باشدا آشاغی و اورتا گلیرلی اؤلکه‌لر اولماقلا بوتون اؤلکه‌لره عدالت‌لی شکیلده پایلاماغی هدف گؤتورن قلوبال تشببوس کیمی قبول ائدیلیر.
