هاوا سالدیریسینی فرانسانین تشکیل ائتدیگی ادعا ائدیلیر

هاوا سالدیریسیندا بیر تویون بومبالاندیغی و اوشاقلار دا داخیل اولماقلا ان آز ۱۰۰ وطنداشین اؤلدوگو بیلدیریلدی

1558275
هاوا سالدیریسینی فرانسانین تشکیل ائتدیگی ادعا ائدیلیر

مالی‌نین موپتی بؤلگه‌سین‌ده بازار گئجه‌سی  تشکیل ائدیله‌ن و ان آز ۱۰۰ دینج وطنداشین اؤلدوگو بیلدیریلن هاوا سالدیریسینین فرانسا طرفین‌دن حیاتا گئچیریلدیگی ادعا ائدیلدی.
فرانسا مطبوعاتین‌دا یئر آلان خبرلره گؤره، اوردو قایناقلاری بازار گونو گئجه‌سی موپتی بؤلگه‌سین‌ده‌کی بوونتی کندینه بیر سالدیری اولدوغونو بیلدیردی.
حربی قایناقلار سالدیرینین دینج وطنداشلاری هدف آلمادیغینی، سلاحلی قروپلارا قارشی اولدوغونو بیلدیرسه‌لر ده، مالی قایناقلاری هاوا سالدیریسیندا بیر تویون بومبالاندیغینی و اوشاقلار دا داخیل اولماقلا ان آز ۱۰۰ وطنداشین اؤلدوگونو بیلدیردی.
فرانسا سون ۱۰ گون‌ده مالی‌ده برخان عملیاتین‌دا خیدمت ائد‌ن ۵ عسگرینی ایتیردی.
۲۰۱۴ده باشلایان برخان عملیاتی چرچیوه‌سین‌ده فرانسا، ساحل بؤلگه‌سین‌ده‌کی موریتانیا، مالی، بورکینا فاسو، نیچر و چاددا ۵۱۰۰ عسگر یئرلشدیردی.


اتیکتلر: #موپتی , #فرانسا , #مالی

ایلگیلی‌لی خبرلر