دونیادا کوروناویروسلا باغلی سون وضعیت
ویروس‌دان معالیجه اولوناراق ساغالانلارین ساییسی ۵۹ میلیونو گئچدی
دونیادا یئنی نؤوع کوروناویروس‌دان اؤلنلرین ساییسی بیر میلیونو، یولوخانلارین ساییسی ۸۳ میلیونو، ویروس‌دان معالیجه اولوناراق ساغالانلارین ساییسی دا ۵۹ میلیونو گئچدی.
اپیدمینین مرکزینه چئوریلن آمریکا‌دا کوروناویروس‌دان وفات ائدنلرین ساییسی ۳۵۴ مین ۲۱۵ نفره، یولوخانلارین ساییسی دا ۲۰ میلیون ۴۴۵ نفره یوکسلدی. اؤلکه ده ۲ میلیون‌دان چوخ اوشاغین ویروسا یولوخدوغو بیلدیریلدی.
برزیلده کوروناویروس قوربانلارینین ساییسی ۱۹۰ مینی، یولوخانلارین ساییسی دا ۷ میلیونو گئچدی.
مکزیکده کوروناویروس‌دان اؤلنلرین ساییسی ۱۲۰ مینی، ویروسا یولوخانلارین ساییسی دا بیر میلیونو گئچدی.
ایتالیادا کوروناویروس‌دان حیاتینی ایتیرنلرین ساییسی ۷۴ مینی، یولوخانلارین ساییسی دا ۲ میلیونو گئچدی.
اینگیلترده کوروناویروس قوربانلارینین ساییسی ۷۳ مینی گئچدی. اؤلکه‌ده ویروسا توتولانلارین ساییسی ۲ میلیون ۴۸۸ مینه یوکسلدی.
فرانسادا کوروناویروس‌دان اؤلنلرین ساییسی ۶۴ مین ۶۳۲ نفره، یولوخانلارین ساییسی دا ۲ میلیون ۶۲۰ مینه چاتدی.
ایسپانیادا کوروناویروس‌دان وفات ائدنلرین ساییسی ۵۰ مین ۸۳۷ نفره، ویروسا توتولانلارین ساییسی دا بیر میلیون ۹۳۶ مینه یوکسلدی.
آلمانیادا حیاتینی ایتیرنلرین ساییسی ۳۴ مینی، یولوخانلارین ساییسی دا بیر میلیونو گئچدی.
کلمبیادا کوروناویروس‌دان اؤلنلرین ساییسی گون عرضینده ۳۰۴ آرتاراق ۴۳ مین ۲۱۳ نفره، ویروسا یولوخانلارین ساییسی دا ۱ میلیون ۶۴۲ مینه یوکسلدی.
پرودا کوروناویروس‌دان اؤلنلرین ساییسی ۲ مینی، یولوخانلارین ساییسی دا بیر میلیونو گئچدی.
شیلی ساغلیق باخانلیغیندان وئریلن آچیقلامایا گؤره، اؤلکه‌ده گون عرضینده ویروس‌دان اؤلنلرین ساییسی ۱۰۹ آرتاراق ۱۶ مین ۶۰۸ نفره، خسته‌لیگه یولوخانلارین ساییسی دا ۳ مین ۲۳ آرتاراق ۶۰۸ مین ۹۷۳ نفره چاتدی.
