پوتین ایله ماکرون آراسیندا تلفون دانیشیغی اولوب

روسیا و فرانسا پرزیدنت‌لری ولادیمیر پوتین و امانوئل ماکرون آراسیندا تلفون دانیشیغی اولوب.

کرملین مطبوعات خیدمتی‌نین معلوماتینا گؤره، تلفون دانیشیغی زامانی پرزیدنت‌لر داغلیق قاراباغ اطرافینداکی وضعیتی اطراف‌لی موذاکیره ائدیب‌لر.

روسیا پرزیدنتی بولگه ده وضعیتین ثابیتلشدیگینی، قاراباغلا باغلی اوچ طرف‌لی بیاناتین آردیجیل عمومی‌لیکده ایجرا اولوندوغونو قئید ائدیب. روس باریش مراملی‌لاری‌نین "باکی و ایروانین ایستیی ایله آتیشکسین و سیویل اها‌لی‌نین تهلوکه‌سیزلیگی‌نین تامین اولوندوغو اوغورلو ایش" وورغولانیب.

پرزیدنت‌لر داغلیق قاراباغ نیضاملانماسی‌نین موختلیف آسپکت‌لری، خصوصاً ده آتت-ین مینسک قروپو چرچیوه‌سینده کووردیناسیونونون داوام ائتدیرمه‌یه قارشی‌لیق‌لی حاضیر اولدوق‌لارینی تصدیقله‌ییب‌لر.

پوتین و ماکرون بوندان باشقا اوکراینا موناقیشه‌سینی، سوریه و لیبی بحرانینی دا موذاکیره ائدیب‌لر.

ایکی لیدر ایران-ین اتم راضیلاشماسی‌نین قورونماسی باره‌ده تشببوس‌لرین بیرلشدیریلمه‌سینه احتیاج دویولدوغونو دا دیله گتیریب‌لر.