استولتنبرگ: "امریکانین تورکیه-یه قارشی تحریم تطبیق ائتمه‌سی منی تأسف لندیردی"
ناتو باش کاتیبی ینس استولتنبرگ امریکانین روسیا‌دان اس-400 هاوا هوجوموندان مودافیعه سیستم‌لری آلماسی سببیندن تورکیه-یه تحریم تطبیق ائتمه‌سینه تاسف لندیگینی بیلدیریب.
ناتو باش کاتیبی ینس استولتنبرگ امریکانین روسیا‌دان اس-400 هاوا هوجوموندان مودافیعه سیستم‌لری آلماسی سببیندن تورکیه-یه تحریم تطبیق ائتمه‌سینه تاسف لندیگینی بیلدیریب.
باش کاتیب "تورکیه و بوتون ناتو متفیق‌لرینی حل یول‌لاری آختارماغا چاغیریرام" دئییب.
بلژیک-ین پایتاختی بروکسل-ده اولان ینس استولتنبرگ مونته نگرونون باش ناظیری زدراوکو کریووکاپیج ایله گؤروشون‌دن سونرا تشکیل ائدیلن بیرگه مطبوعات کنفرانسیندا امریکانین تورکیه-یه قارشی تطبیق ائتدیگی تحریم قراری ایله علاقه‌دار سوال‌لاری جاوابلاندیریب.
"ناتو متفیق‌لری‌نین بیر-بیرلرینه قارشی تحریم تطبیق ائتمه‌سی وضعیتینده اولدوغوموزدان کدرلییم" دئین استولتنبرگ تورکیه-نین اس-400 سیستم‌لرینی ساتین آلماسی ایله علاقه‌دار ناراحات‌لیق‌لارینی داها اول دیله گتیردیگینی سؤیله‌ییب.
استولتنبرگ بوندان علاوه "بو، میللی بیر قراردیر. لاکین اس-400 سیستمی ناتو سیستم‌لری ایله اویغون دئییل. بون‌لار ناتو-نون هاوا و راکت‌دن مودافیعه سیستم‌لرینه اینتقراسیا ائده بیلمزلر. بونونلا علاقه‌دار ناراحاتلیغیمی بیلدیرمیشم. تورکیه و بوتون ناتو متفیق‌لرینی حل آختارماغا چاغریرام. حاضیردا اهمیت‌لی اولان تورکیه و ناتو اوچون چتین اولان بو وضعیته نئجه مثبت حل یولو تاپا بیله جگیمیزه نظر سالماق‌دیر" دئییب.
قئید ائدک کی، امریکا روسیا‌دان اس-400 سیستم‌لری‌نین آلینماسی سببیله تورکیه-یه قارشی بعضی تحریم لر تطبیق ائتمک قرارینا گلیب.
ایلگیلی‌لی خبرلر
آمریکادا بیر ایلک اوخولا سالدیریدا ۲۱ نفر حیاتینی ایتیردی
ایلک اوخولا ائدیلن سالدیری نتیجه‌سینده ۱۸ اوشاق و ۳ بؤیوک توپلام ۲۱ نفر حیاتینی ایتیردی
