اینگیلتره‌-ده کروناویروسا قارشی واکسن‌ین وورولماسینا باشلانیب

اینگیلتره ایلک دفعه اها‌لی‌نین کروناویروس علیهینه واکسن ائدیلمه‌سینه باشلادی.

1541506
اینگیلتره‌-ده کروناویروسا قارشی واکسن‌ین وورولماسینا باشلانیب

اینگیلتره ایلک دفعه اها‌لی‌نین کروناویروس علیهینه واکسن ائدیلمه‌سینه باشلادی.

"فایزر-بیون تک" امکداش‌لیغی ایله حاضیرلانان یئنی نوع کروناویروس (کووید-19) واکسنی ایلک دفعه 90 یاش‌لی مارگارت کینانا تطبیق ائدیلیب.

کینا 91 یاشینا گیرمه‌دن بیر هفته اول اینگیلتره-‌نین مرکزینده یئرلشن کاونتری شهریندکی یئرلی خسته‌خانادا کروناویروس واکسنی وورولوب.

اؤلکه داخیلینده ایلک مرحله‌ده 400 مین اینسانین واکسن ائدیلمه‌سی هدف‌لنیر.

واکسن پروقرامی بؤیوک مرکزلردن و خسته‌خانا‌لاردان باشلاییر.

بعضی ایستادیوم لار و ایدمان سالون‌لاری کیمی گئنیش یئرلر ده واکسن اوچون ایستیفاده ائدیله‌جک. عائله حکیم‌لری و آ

داواخانالار دا پروقراما داخیل ائدیله‌جک.

بیرینجی مرحله‌ده اینگیلتره داخیلینده 50 خسته‌خانایا چات‌دیریلان واکسن لر منفی 70 درجه‌ده محافظه ائدیلیر.

بلژیک-دن اینگیلتره-‌یه گؤندریلن "فایزر- بیون تک" واکسن لری ده آنلاین دا تعقیب ائدیلیر.

واکسن‌ین 21 گون‌دن سونرا ایکینجی دوزو تطبیق ائدیله‌جک.

ایلک کوروناویروس واکسینی عملیاتی چرچیوه‌سینده خسته‌لیک‌دن اؤلکه‌نین فیزیکی جهت‌دن ان ضعیف ساکین‌لری - قوجا‌لار ائولرینده قالانلار، طبی و سوسیال ایشچی‌لر، همچنین یاشی 80-دن چوخ اولان اینسان‌لار واکسن ائدیله‌جک‌لر.

یاخین هفته‌لرده 94 یاش‌لی کرالیچه ایکینجی الیزابت و 99 یاش‌لی حیات یولداشی شاهزاده فیلیپ‌نین ده واکسن  وورولاجاغی ادعا ائدیلیر.

اؤلکه‌ده "کووید-19"دان اؤلن‌لرین سایی 61 مین 434-ا، ویروس آشکارلانان‌لارین سایی ایسه 1 میلیون 737 مین 960-ا یوکسلیب.

اینگیلیس‌لرین اکثریتی کروناویروسلا موباریزده اینگیلیس حکومتینی تنقید ائدیر.

اؤلکه‌ده کروناویروس محدودیت‌لرینه رئاکسیا‌لار دا داوام ائدیر.

پایتاخت لندن-ده مشهور بیر ماغازانین شعبه سینه گیرمک ایسته‌ین یوزلرله ماسک ‌سیز گنج کوچه نی یول حرکتینه باغلاییب. پولیس موداخیله ائدرکن 4 نفر نظارته آلینیب.



ایلگیلی‌لی خبرلر