فرانسا-دا اعتراض آکسیا‌لاری داوام ائده‌جک
فرانسا-دا سوسیال حادثه‌لره سبب اولان تهلوکه‌سیزلیک حاقیندا قانون لاییحه‌سینه قارشی نوماییش‌لرین داوام ائتدیریلمه‌سی اوچون چاغیریشی ائدیلیب.
فرانسا-دا سوسیال حادثه‌لره سبب اولان تهلوکه‌سیزلیک حاقیندا قانون لاییحه‌سینه قارشی نوماییش‌لرین داوام ائتدیریلمه‌سی اوچون چاغیریشی ائدیلیب.
مطبوعات تشکیلات‌لاری، اینسان حقوق‌لاری تشکیلات‌لاری و سندیکالاردان عبارت "عمومی تهلوکه‌سیزلیک قانونونا خیر" کولکتیوی‌نین وئردیگی آچیقلامادا اؤلکه‌ده سراغا گون 90 شهرده قانون علیهینه اعتراض آکسیا‌لاری کئچیریلمه‌سیندن ممنونیت دویولدوغو بیلدیریلیب.
نوماییش‌لرین دینج کئچدیگی بیلدیریلن آچیقلامادا پایتاخت پاریس-دکی اعتراض آکسیاسی زامانی ایسه پولیسین ایزله‌دیگی ایستراتژی‌نین زوراکیلیغا سبب اولدوغو ایفاده ائدیلیب.
آچیقلامادا پرزیدنت امانوئل ماکرونون کولکتیوین نماینده‌لری‌نین گؤروش طلبینی قبول ائتمه‌دیگی ده وورغولانیب.
آچیقلامادا نوماییش‌لرین رئاکسیانین نه درجه‌ده اولدوغونو گؤستردیگی بیلدیریلیب و اعتراض آکسیا‌لاری‌نین قانون لاییحه‌سی لغو ائدی‌لنه قدر داوام ائتدیریلمه‌سی اوچون چاغیریش ائدیلیب.
دیگر طرف‌دن، اؤلکه‌نین ایچ ایشلر ناظیری جرالد دارمانین توییتر حسابیندان اعتراض آکسیا‌لاری زامانی 95 نفرین نظارته آلیندیغینی و 67 پولیسین یارالاندیغینی بیلدیریب.
فرانسیز پولیسی نوماییشچی‌لره بیبر گازی و تضییق‌لی سو ایله موداخیله ائدیب. نوماییشچی‌لر بیر چوخ نقلیات واسیطه‌سینی و زیبیل قوتوسونو یاندیریب، ماغازا‌لار و بانک‌لاری غارت ائدیب‌لر.
اؤلکه‌ده قانون لاییحه‌سی‌نین خصوصیله 24-جو ماده‌سی مطبوعات آزادلیغی ایله خصوصی حیاتین مخفی‌لیگینی پوزا بیله‌جگی و پولیس زوراکی‌لیغینی آرتیرا بیله‌جگی سببیله تنقید اولونور. آیریجا، سون واخت‌لاردا ژورنالیست‌لره و آکتیویست‌لره قارشی پولیسین زوراکی‌لیغی موباحیثه اولونور.
رئاکسیا‌لار اساسیندا لاییحه‌نین 24-جو ماده‌سی‌نین یئنی‌دن یازیلماسینا قرار وئریلیب.
