ینس استولتنبرگ: "بو مکانیزمی گوجلندیرمک ایستییریک"

ناتو-نون باش کاتیبی ینس استولتنبرگ تورکیه ایله یونانیستان آراسیندا دوغو آغ دنیزیندکی اولای‌لارین و قضا‌لارین قارشی‌سینی آلماق اوچون یارادیلان مکانیزمین ایشله‌دیگینی و بونو گوجلندیرمک ایسته‌دیکلرینی بیلدیریب.

ینس استولتنبرگ ویدئوکنفرانس فورماتیندا کئچیریلن ناتو-نون خاریجی ایشلر ناظیری ایجلاسیندان سونرا مطبوعات کنفرانسی تشکیل ائدیب.

ایجلاسدا دوغو آغ دنیزیندکی وضعیتین ده گوندمه گلدیگینی بیلدیرن استولتنبرگ تورکیه ایله یونانیستان آراسیندا آرزو اولونمایان اولای‌لار و قضا‌لارین قارشی‌سی‌نین آلینماسی اوچون مکانیزم ایله ایلتیشیم خطی‌نین یارادیلدیغینی و بعضی مانورلارین قارشی‌لیق‌لی شکیلده لغو اولوندوغونو خاطیرلادیب.

"یارادیلان مکانیزم ایشلییر. قارشی‌لیق‌لی معلومات موبادیله‌سی وار ایلتیشیم کانال‌لاری آچیق‌دیر. بو مکانیزمی داها دا گوجلندیرمک اوچون حاضیر اولدوغومو هر ایکی ناظیره ده سؤیله‌دیم. بونو ائده بیلریک، چونکی ناتو چرچیوسینده هر گون بیر آرایا گلیریک"’،-دئیه ینس استولتنبرگ وورغولاییب.