بریتانیا "بیون تک" و "فایزر" شیرکت‌لری‌نین کووید-19 واکسن‌ینی گئنیش ایستیفاده اوچون تصدیقله‌ییب
اینگیلتره تورک پروفسور اوغور شاهین‌ین قوروجوسو اولدوغو آلمان بیوتکنولوژی "بیوتک" فیرماسی‌نین امریکانین "فایزر" فیرماسی ایله یئنی نوع کروناویروسا قارشی حاضیرلادیغی واکسن‌ین ایستیفادسینه ایجازه وئردی.
بریتانیا آلمانیانین "بیون تک" و امریکانین فایزر شیرکت‌لری‌نین بیرگه حاضیرلادیق‌لاری کووید-19 واکسن‌ینی گئنیش ایستیفاده اوچون تصدیقله‌ین ایلک اؤلکه اولوب.
بی بی سی-نین خبرینه گؤره، اؤلکه‌نین درمان‌لار و ساغلام‌لیق محصول‌لاری دوزنله‌مه قورومو واکسن‌ین گئنیش ایستیفاده‌سی‌نین تهلوکه‌سیز اولدوغونو تصدیقلدیک‌دن سونرا بو قرار وئریلیب.
بریتانیانین ساغلیق ناظیری مت هنکوک ایسه بیلدیریب کی، اؤلکه‌نین میللی ساغلیق خیدمتی نؤوبتی هفته‌نین ایلک گون‌لریندن اعتباراً واکسن‌ین تطبیقینه باشلایا‌جاق.
بیلدیریلیب کی، اولجه اها‌لی‌نین حساس قروپ‌لاری، خصوصیله یاش‌لی‌لار ایلک مرحله‌ده واکسن اولونا‌جاق.
بریتانیا آرتیق 40 میلیون دوز سیفاریش وئریب کی، بو دا 20 میلیون اینسانی واکسن ائتمک اوچون کیفایت‌دیر. قارشی‌داکی گون‌لرده 10 میلیونا یاخین دوزون بریتانیایا گتیریله‌جگی قئید اولونور. بو دا 800 یوز مین اینسانین واکسن اولونماسی اوچون نظرده توتولوب.
قئید ائدک کی، "بیون تک" ایله "فایزر" شیرکت لری‌نین حاضیرلادیغی واکسن اوچ مرحله دن عبارت کلینیکی سیناق‌لاردان کئچیب و کروناویروسا قارشی 95% افکت وئریب.
ساغیلق ناظیری فخرالدین کوجا نوامبرین 25-ده تورکیه-نین واکسن نامیزدلریندن بیر میلیونو دسامبر آییندا اولماقلا قیش آیلاریندا 25 میلیون دوز ساتین آلماق اوچون گؤروشلر آپاردیغینی آچیقلامیشدی.
شیرکت 2020-جی ایلین سونونادک 100 میلیون، 2021-جی ایلین سونونادک ایسه 1،3 میلیارد دوز واکسن حاضیرلاماغی پلانلاشدیریر.
ایلگیلی‌لی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیش‌کسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب
