امریکا آچیق سما موقاویله سیندن چیخدی

امریکا رهبرلیگی نوامبرین 22-ده روسیا ایله سلاح نظارتینی دوزنله‌ین "آچیق سما موقاویله‌سی"نی ترک ائتدی.

امریکانین خاریجی ایشلر ناظیرلیگی‌نین سؤزچوسونون معاوینی کیل براون وئردیگی آچیقلاماسیندا دونالد ترامپ ایداره‌سی‌نین 22 می 2020-جی ایلده موقاویله‌نی ترک ائتمه قرارینی خاطیرلادا‌راق، "قرارین ایجراسی اوچون طلب اولونان 6 آیلیق مودتین بیتمه‌سی ایله امریکا-نین"آچیق سما موقاویله‌سی"نی ترک ائتمه‌سی 22 نوامبر 2020-جی ایل تاریخدن اعتباراً قوه‌یه میندی. امریکا آرتیق راضیلاشمانین طرفداری دئییل" ایفاده‌سیندن ایستیفاده ائدیب.

سلاح‌سیز کشفیات اوچوش‌لارینا حربی عملیات‌لاردا شفاف‌لیغی آرتیرماق و سلاح‌لارا نظارت و دیگر راضیلاشما‌لارین ایزلنمه‌سینی آسان‌لاش‌دیرماق اوچون موقاویله‌نی ایمضالایان 34 اؤلکه آراسیندا روسیا و امریکا دا وار.

آوروپا تهلوکه‌سیزلیک و امکداش‌لیق تشکیلاتی (آتت) جوغرافیاسیندا اعتیماد و تهلوکه‌سیزلیگی آرتیرما تدبیرلر اولا‌راق نظرده توتولان و 1992-جی ایلده ایمضا‌لانان "آچیق سما موقاویله‌سی"نین طرف‌لری آراسیندا تورکیه ده یئر آلیب.