امریکا-دا پرزیدنت سئچکیلری کئچیریلدی

50 ایالت ده تخمینن 250 میلیون سئچیجی اؤلکه‌نین 59-جو پرزیدنتینی معین ائتمک اوچون سس وئردی.

1521563
امریکا-دا پرزیدنت سئچکیلری کئچیریلدی

50 ایالت ده تخمینن 250 میلیون سئچیجی اؤلکه‌نین 59-جو پرزیدنتینی معین ائتمک اوچون سس وئردی.

امریکانین جمهوریتچی پارتی سیندن پرزیدنت‌لیگه نامیزد، حاضیرکی دؤولت باشچی‌سی دونالد ترامپ اؤلکه‌نین بیر سیرا ایالت لرینده کی سئچکی منطقه‌لرینده رقیبی، دموکرات‌لار پارتی سیندن پرزیدنت‌لیگه نامیزد جو بایدنی اوسته‌له‌ییب.

ترامپ ایندیانا ایالت ینده سس‌لرین 50 فایزی‌نین نتیجه‌لرینه اساساً 60 فایز سس توپلاییب. بونونلا یاناشی، جمهوریتچی لرین دؤولت باشچی‌سی پوستونا ادعا‌لی‌سی آرکانزاس-دا کئچیریلن سسوئرمه‌لرده ده سئچیجی سایینا گؤره اؤنه چیخیب.

دونالد ترامپین قوزیی و گونئی داکوتا دا کئچیریلن سسوئرمه‌لرده غالیب اولدوغونو آچیقلاییب.

فلوریدا‌داکی سئچکی منطقه‌لریندا ایکی رقیب آراسیندا رقابت گوجلو اولوب. بیر سیرا حال‌لاردا بایدن اؤنه چیخسا دا، سون معلومات‌لارا گؤره، فلوریدا سئچیجی‌لری داها چوخ ترامپا دستک وئریب‌لر. جمهوریتچی لرین نامیزدی کانزاسدا، کنتاکی-ده، تنسی-ده، آلابامادا، می‌سی‌سی‌پ-ده، اوکلاهاما-دا، گونئی جنوبی کارولینا-دا، لویزیانادا، قوزیی کارولینادا سئچیجی سسی باخیمیندان غلبه‌سینی تامین ائدیب.

دموکرات‌لار پارتیسی‌نین پرزیدنت‌لیگه نامیزدی جو بایدن نیویورکدا غالیب‌دیر. او، عینی زاماندا نیوجرسی-ده ده ترامپ‌دان اوستون اولا بیلیب.

اسوشیتدپرس آژآنسی نین خبرینه گوره، دونالد ترامپ کنتاکی (8 الکترال رای)، وست ویرجینیا (5 الکترال رای)،  می‌سی‌سی‌پی‌ (6 الکترال رای)، آلاباما (9 الکترال رای)، گونئی کارولینا (9 الکترال رای ، اوکلاهاما (7 الکترال رای)، تنسی (11 الکترال رای)، ایندیانا (11 الکترال رای)، گونئی داکوتا (3 الکترال رایی)، قوزیی داکوتا (3 الکترال رایی)، وایومینگ (3 الکترال رایی)، نبراسکا (5 الکترال رای، لوئیزیانا (8 الکترال رای)، آرکانزاس (6 الکترال رای)، کانزاس (6 الکترال رای)، میزوری (10 الکترال رای)، یوتا (6 الکترال رای)، اوهایو (18 الکترال رای)، مونتانا (3 الکترال رای)، فلوریدا (29 الکترال رای)، آیووا (6 الکترال رای)، آیداهو (4 الکترال رای)، تگزاس (38 الکترال رای) قازانیب.

جو بایدن ایسه ورمونت (3 الکترال رای)، ویرجینیا (13 الکترال رای)،  ماساچوست‌ (11 الکترال رای )، ایلینوی (9 الکترال رای)، نیوجرسی (14 الکترال رای)، مریلند (10 الکترال رای)، نیویورک (29 الکترال رای)، کنتیکت (7 الکترال رای)، کولورودا (9 الکترال رای)، واشنگتن دی سی(3 الکترال رای )، واشنگتن (12 الکترال رای)، نیوهمپشایر (4 الکترال رای)، رود آیلند (4 الکترال رای)، نیومکزیک (5 الکترال رای)، اورگون (7 الکترال رای)، کالیفرنیا (55 الکترال رای)، مینه سوتا (10 الکترال رای) و هاوایی (4 الکترال رای) ترامپ دان اونده دیر.

قئید ائدک کی، بوتون بون‌لار سئچکی منطقه‌لری‌نین ایلکین نتیجه‌لردیر. سسوئرمه پروسئسی هله داوام ائدیر. بونا گؤره ده هانسی نامیزدین غالیب اولاجاغی هله دقیق دئییل.



ایلگیلی‌لی خبرلر