ایتالیا-دا یاشایان آذربایجان‌لی‌لار آذربایجانا دستک آکسیاسی کئچیریبلر

ایتالیانین پایتاختی رم-دا "ائرمنیستانین تجاوزونو دایاندیرین!" شعاری ایله آکسیا کئچیریلیب.

ایتالیادا یاشایان آذربایجان تورک‌لری بو اؤلکه‌نین پارلامئنتی‌نین دئپوتات‌لار پالاتاسی‌نین قارشی‌سیندا “ائرمنیستانین تجاوزونو دایاندیرین!" شعاری ایله راضیلاشدیریلمیش آکسیا کئچیریب‌لر.

ایشتیراکچی‌لار ائرمنیستانین داغلیق قاراباغ‌داکی ایشغالینا و سون هوجوم‌لارینا اعتراضلارینی بیلدیریب‌لر و آذربایجان اوردوسونا دستک‌لرینی ایفاده ائدیب‌لر.

آکسیادا "قاراباغ آذربایجان‌دیر!"، "شوشا آذربایجان‌دیر!"، "خانکندی آذربایجان‌دیر!"، "خوجا‌لییا عدالت!"، "ائرمنی تجاوزونه سون!"، "ائرمنی ایشغالینا سون!"، "ائرمنیستان عسگرلری آذربایجان تورپاق‌لاریندا نه ائدیر؟"، "بمت تهلوکه‌سیزلیک شوراسی‌نین قطعنامه لری ایجرا ائدیلمیر"، "تجاوزکارلا تجاوزه معروض قالان آراسیندا فرق قویولما‌لی‌دیر"، "اولوسلار آراسی توپلوم ائرمنیستانین تجاوزونو پیسلمه‌لی‌دیر"، "گنجه، گوجلو اول!"، "ترتر، گوجلو اول!" و دیگر شعارلار سسلندیریلیب.