مایک پومپئو ایله ینس استولتنبرگ آراسیندا تلفون دانیشیغی اولوب

امریکانین خاریجی ایشلر ناظیری مایک پمپئو ناتو-نون باش کاتیبی ینس استولتنبرگ ایله تلفونلا دانیشیب.

امریکانین خاریجی ایشلر ناظیرلیگی‌نین وئردیگی آچیقلامادا تلفون دانیشیغیندا ترانس آتلانتیک امکداش‌لیغی، دوغو آغ دنیزیندکی وضعیت و ناتو-نون بیرلیگی‌نین اهمیتی‌نین موذاکیره اولوندوغو ایفاده ائدیلیب.

آچیقلامادا پمپئونون تورکیه و یونانیستان لیدرلری‌نین دانیشیق‌لارا باشلایا‌جاق‌لاری باره‌ده آچیقلاما‌لارینی ممنونیتله قارشیلادیغی و گرگینلیگین آزالدیلماسینا چاغیردیغی بیلدیریلیب.