دونیا اؤلکه‌لری‌نین یئنی نوع کروناویروسلا موباریزه‌سی داوام ائدیر

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 918 مینی، ویروسا یولوخان‌لارین سایی 28 میلیون 617 مینی، انفکسیوندان معالیجه اولونا‌راق ساغالان اینسان‌لارین سایی ایسه 20 میلیون 506 مینی کئچیب.

1489401
دونیا اؤلکه‌لری‌نین یئنی نوع کروناویروسلا موباریزه‌سی داوام ائدیر

یئنی نوع کروناویروس اپیدمیسی سببیندن ایندییه‌دک حیاتینی ایتیرنلرین سایی 918 مینی، ویروسا یولوخان‌لارین سایی 28 میلیون 617 مینی، انفکسیوندان معالیجه اولونا‌راق ساغالان اینسان‌لارین سایی ایسه 20 میلیون 506 مینی کئچیب.

فرانسا-دا سون 24 ساعات عرضینده 19 نفرین اؤلومو ایله اینسان ایتکی‌سی 30 مین 813-ا یوکسلیب. داها 9 مین 843 نفرین ویروسا یولوخماسی ایله انفکسیونا یولوخان‌لارین سایی 353 مین 944-ا چیخیب. اؤلکه‌ده مثبت تست‌لرین نیسبتی 5،2 فایز اولا‌راق آچیقلانیب.

باش ناظیر ژان کستکس مطبوعات کنفرانسیندا اپیدمی‌نین سرعتله یاییلماغا داوام ائتدیگینی بیلدیریب. "کووید-19" تست‌لری‌نین مثبت چیخما نیسبتی‌نین آرتدیغینا دقت چکن کاستکس وطنداش‌لارینی مسئولیت‌لی داورانماغا و تدبیرلره جدی شکیلده عمل ائتمه‌یه دعوت ائدیب.

ایسپانیا-دا "کووید-19"دان سون بیر هفته عرضینده 241 نفر اؤلوب، بونونلا دا اینسان ایتکیسی 29 مین 747-یه یوکسلیب. ساغلیق ناظیرلیگی سون 24 ساعاتدا 2 آی یاریمین رکورد آرتیمی ایله 12 مین 183 یئنی حادثه‌نین آشکارلاندیغینی و ویروسا یولوخان‌لارین سایی‌نین 566 مین 326-یا چیخدیغینی آچیقلاییب.

پورتوقالیانین ساغلیق ناظیرلیگی سون 24 ساعت عرضینده "کووید-19" سببیله 3 نفرین اؤلدوگونو و 687 یئنی حادثه‌نین قئیده آلیندیغینی، بونون آوریل آییندان بری ان یوکسک گؤستریجی اولدوغونو بیلدیریب. اؤلکه‌ده اینسان ایتکی‌سی 855 مین، حادثه سایی ایسه 62 مین 813-ا یوکسلیب. باش ناظیر آنتونیو کوستا 15 سپتامبردان اعتباراً اؤلکه داخیلینده 10-دان چوخ آداملا توپلانمانین قاداغان اولاجاغینی، آلیش-وئریش مرکزلری‌نین و دوکان‌لارین آچیلیش و باغلانما ساعات‌لاری‌نین، الکل ساتیشی‌نین، رستوران و کافه تریا‌لارین دولولوق نیسبت‌لری‌نین محدودلاشدیریلاجاغینی آچیقلاییب.

عراق-ین ساغلیق ناظیرلیگی سون 24 ساعات عرضینده اؤلکه داخیلینده 67 نفرین اؤلدوگونو و 4 مین 254 یئنی حادثه‌نین آشکار ائدیلدیگینی بیلدیریب. سون معلومات‌لارا گؤره، اپیدمی نتیجه سینده اؤلن‌لرین سایی 7 مین 881-ا، خسته‌لرین سایی ایسه 282 مین 672-یه یوکسلیب.



ایلگیلی‌لی خبرلر