دونیادا کروناویروسلا باغلی قئیده آلینان سون ایستاتیستیک لر آچیقلانیب

دونیادا کروناویروسا یولوخما حال‌لاری‌نین سایی 20 میلیون 468 مینی کئچیب، 743 مین 505 اؤلوم حادثه‌سی قئیده آلینیب. ویروس‌دان ساغالان‌لارین سایی ایسه 13 میلیون 314 مین‌دن یوخاری‌دیر.

1471445
دونیادا کروناویروسلا باغلی قئیده آلینان سون ایستاتیستیک لر آچیقلانیب

دونیادا کروناویروسا یولوخما حال‌لاری‌نین سایی 20 میلیون 468 مینی کئچیب، 743 مین 505 اؤلوم حادثه‌سی قئیده آلینیب. ویروس‌دان ساغالان‌لارین سایی ایسه 13 میلیون 314 مین‌دن یوخاری‌دیر.

فرانسادا سون 24 ساعاتدا اپیدمی سببیله داها 14 نفرین اؤلومو ایله اینسان ایتکی‌سی 30 مین 354، یولوخما حال‌لاری‌نین سایی ایسه 1397 آرتا‌راق 226 مین 820-ا چاتیب.

باش ناظیر ژان کستگس وئردیگی آچیقلامادا اؤلکه‌ده اپیدمی‌نین گئدیشاتی‌نین پیس اولدوغونو و وضعیتین ناراحات‌لیق دوغوردوغونو بیلدیریب. خسته‌خانا‌لاردا و ای سی یودا معالیجه آلان‌لارین سایی‌نین آرتدیغینی دئین کاستگس "بیرگه تدبیرلر گؤرمه‌سک، اپیدمی‌نین یئنی‌دن باشلاماسی ریسکی ایله قارشیلاشاجاغیق و نظارت ائتمک چتین اولا‌جاق" دئییب.

دونیا ساغلیق تشکیلاتی‌نین آچیقلادیغی سون راپور ایسه بیلدیریلیب کی، سون 24 ساعاتدا اؤلن‌لرین سایی 4268، یولوخان‌لارین سایی 216 مین 033 نفر اولوب.

قوزیی و گونئی امریکا یولوخان‌لارین سایینا گؤره بیرینجی یئرده‌دیر – 10 میلیون 697 مین 832. سون 24 ساعاتدا بو رقم 106 مین 903 تشکیل ائدیب. اؤلن‌لرین سایی 2 مین 277 آرتا‌راق 390 مین 850-یه چاتیب.

آوروپا-دا 3 میلیون 606 مین 373 یولوخما، 217 مین 278 اؤلوم قئیده آلینیب. سون 24 ساعات عرضینده یولوخان‌لارین سایی 21 مین 315، اؤلن‌لرین سایی ایسه 267 اولوب.

یولوخما سایینا گؤره اوچونجو یئری گونئی دوغو آسیا بؤلگه‌سی توتور. اورادا یولوخان‌لارین سایی 2 میلیون 691 مین 452، اؤلن‌لرین سایی ایسه 54 مین 633 گؤستریلیب. سون بیر گونده یولوخما سایی 58 مین 679، اؤلوم سایی 956 نفر آرتیب.

یولوخما سایینا گؤره اؤلکه‌لر آراسیندا ایلک یئری امریکا (4 میلیون 999 مین 815)، آردینجا برزیل (3035422)، هیندوستان (2268675)، روسیا (897599)، گونئی افریقا (562598)، مکزیک (480278)، پرو (478.024)، کلمبیا (387481)، شیلی (375044) و ایران (328844) توتور.



ایلگیلی‌لی خبرلر