ناتو-نون پاندمی‌نین ایکینجی دالغاسینا قارشی عملیات پلانی

ناتو یئنی نوع کروناویروسون (کووید-19) احتیمال اولونان ایکینجی دالغاسینا قارشی عملیات پلانی قبول ائدیب.

1439542
ناتو-نون پاندمی‌نین ایکینجی دالغاسینا قارشی عملیات پلانی

ناتو یئنی نوع کروناویروسون (کووید-19) احتیمال اولونان ایکینجی دالغاسینا قارشی عملیات پلانی قبول ائدیب.

ناتو-نون باش کاتیبی ینس استولتنبرگ "ناتو احتیمال اولونان ایکینجی دالغا اوچون حاضیرلاشیر. مودافعه ناظیرلری یئنی بیر عملیات پلانی، طبی آوا‌دان‌لیق لارین انبارا ییغیلماسی و لازیمی طبی آوا‌دان‌لیق‌لارین سرعت‌لی تداروکو اوچون مالیه لشدیرمه موضوعسوندا راضیلیغا گلدی‌لر" دئییب. استولتنبرگ ویدئوکنفرانس واسطه‌سیله مودافعه ناظیرلری‌نین ایکی گونلوک گؤروشون‌دن سونرا مطبوعاتا آچیقلاما‌لار وئریب.

ناتو-نون اساس وظیفه‌سی‌نین مودافعه و یاییندیرما تکلیف ائتمک اولدوغونو ایفاده ائدن استولتنبرگ ایکینجی گون ایجلاس‌لاریندا مودافعه ناظیرلری‌نین "کووید-19" پاندمی سینده مومکون اولان ایکینجی دالغا اوچون حاضیرلیق پلانینی موذاکیره ائتدیگینی سؤیله‌ییب.

ساغلیق صلاحیت‌لی‌لری‌نین احتیمال اولونان ایکینجی دالغا ایله علاقه‌دار خبردارلیق ائتدیگینی بیلدیرن استولتنبرگ ساغلیق بحرانی‌نین بیر تهلوکه‌سیزلیک بحرانینا چئوریلمه‌سی‌نین قارشی‌سی‌نین آلینماسی‌نین واجیب‌لیگینی وورغولاییب.



ایلگیلی‌لی خبرلر