امریکا-دا اعتراضلار بؤیویور

امریکا-دا قاراده‌ریلی لری تز-تز هدفه آلان و چوخ زامان اؤلومله نتیجه‌لنن پولیس شدتینه قارشی اعتراض نوماییش‌لری 20 ایالته یاییلیب.

امریکا-دا می‌ین 26-دا مینه سوتا ایالتینده پولیس زوراک‌لیغی نتیجه‌سینده حیاتینی ایتیرن جورج فلوید اوچون آیاغا قالخیب. حادثه‌نی تؤره‌دن پولیس حبس اولونسا دا، خالقین رئاکسیاسی سنگیمیر.

امریکا-دا زنجی‌لری تز-تز هدفه آلان و چوخ زامان اؤلومله نتیجه‌لنن پولیس شدتینه قارشی اعتراض نوماییش‌لری 20 ایالته یاییلیب.

امریکا پرزیدنتی دونالد ترامپ ایسه "حادثه‌لرین یاتیریلماسی اوچون اوردونون حاضیر اولدوغو"نو سؤیله‌یه‌رک بئله حده‌له‌ییب: “کوچه‌لره تؤکولن نوماییشچی‌لر فلویدون خاطره‌سینه حؤرمت‌سیزلیک ائدیر. بونلار متشکیل رادیکال سول قروپ‌لاردیر. فلویدون خاطره‌سی نامینه شدت سونا چاتما‌لی‌دیر. بو آنتی‌فا (antifa ) قروپو، بو رادیکال سولچولار پیس آدام‌لاردیر، اونلارا بو شکیلده حرکت ائده بیلمه‌یه‌جک‌لرینی گؤسترمک لازیم‌دیر”.

ترامپ “بئله داوام ائدرسه، نوماییشچی‌لرین ایتلرله قارشی‌لانا‌جاق‌لارینی” دا سؤیله‌ییب. بونا باخمایا‌راق می‌ین 30-دا آخشام اعتراض چیلار آغ ائوین قارشی‌سینا توپلانیب‌لار. پولیس‌ین سرت موداخیله‌سی حسابینا یوزلرله آدامین قاتیلدیغی نوماییش قارشیدورمایا چئوریلیب.

امریکا پرزیدنتی اؤلکه داخیلینده یوکسه‌لن تضییقی آزالتماق یئرینه دئییب: "لیبرال فرماندارلار و بلدیه صدرلری سرت تدبیرلر گؤرمه‌لی‌دیر، یوخسا فدرال حکومت ایشین ایچینه گیرر و نه لازیمسا، ائدر، بونا اوردوموزون گوجو و آدام‌لاری نظارته گؤتورمک ده داخیل‌دیر".

خاطیرلاداق کی، 46 یاش‌لی جورج فلوید 26 می دا فیریلداقچی‌لیق شوبهه سیله مینیاپولیس-ده نظارته آلینارکن پولیس‌لردن بیری اوزون مودت اونون بوینونا باسدیغی و "نفس آلا بیلمیرم" یالواریش‌لارینا اهمیت وئرمه‌دیگی اوچون زنجی‌نین وضعیتی پیسلشیب، آپاریلدیغی خسته‌خانادا حیاتینی ایتیریب.

اطراف‌داکی‌لارین موبایل تلفون‌لارینا قئید ائتدیگی گؤرونتولر سوسیال مدیادا بؤیوک عکس-صدا یارادیب، اؤلکه‌ده قاراده‌ریلی لره قارشی پولیس شدتی موباحیثه‌لری تکرار آلوولانیب و مینیاپولیس باشدا اولماقلا، بیر چوخ شهرده اعتراضلار دالغاسی گئنیشلنیب.

آدی‌نین آچیقلانماسینی ایستمه‌ین بیر قادین “عصرلردیر وار اولان حرص و آغرییا شاهید اولماق اوچون بوراداییق، باشقا بیری ایسه 'بو حرص ین آلتیندا حاقلی سبب‌لر یاتیر" دئییب‌لر.