ایسپانیا-دا کروناویروس‌دان اؤلن‌لرین سایی 28 مین 752 نفره چاتیب

اؤتن گون عرضینده ایسپانیا-دا یئنی نوع کروناویروسا (کووید-19) یولوخان داها 70 نفر حیاتینی ایتیریب.

بونونلا دا ایسپانیا-دا کروناویروس‌دان حیاتینی ایتیرن‌لرین سایی 28 مین 752 نفره چاتیب.

سون 24 ساعتدا 246 نفرین کروناویروسا یولوخدوغو آشکارلانیب. بونونلا دا اؤلکه‌ده کروناویروسا یولوخان‌لارین سایی 235 مین 772 نفره چاتیب.

ایسپانیا حاضیردا کروناویروسا یولوخما نتیجه‌سینده اؤلن‌لرین سایینا گؤره امریکا، بؤیوک بریتانیا و ایتالیا-‌دان سونرا دونیادا دؤردونجو، کروناویروسا یولوخان‌لارین سایینا گؤره ایسه امریکا، برزیل، روسیا و بؤیوک بریتانیا‌دان سونرا بئشینجی سیرادا قرارلاشیب.