کروناویروس‌دان حیاتینی ایتیرنلرین سایی 335 مینه یاخینلاشیب

ویروسا یولوخان‌لارین عمومی سایی 5 میلیون 207 مین 910-نو، ساغالان‌لارین سایی دا 2 میلیون 83 مین 393-و کئچیب.

1421823
کروناویروس‌دان حیاتینی ایتیرنلرین سایی 335 مینه یاخینلاشیب

یئنی نوع کروناویروس‌دان ایندییه‌دک حیاتینی ایتیرنلرین سایی دونیا اوزره 334 مین 848 اولوب. ویروسا یولوخان‌لارین عمومی سایی 5 میلیون 207 مین 910-نو، ساغالان‌لارین سایی دا 2 میلیون 83 مین 393-و کئچیب.

امریکا اؤلوم و یولوخما‌لارین ان چوخ اولدوغو اؤلکه‌دیر. اؤلکه‌ده اپیدمی سببیله 96 مین 354 آدام اؤلوب، 1 میلیون 621 مین 918 نفرده ویروس آشکارلانیب.

 امریکا پرزیدنتی دونالد ترامپ "کووید-19" سببیله حیاتینی ایتیرن‌لر اوچون اؤلکه‌ده بایراق‌لارین 3 گون بویونجا ائندیریله‌جگینی آچیقلاییب. ترامپ "کووید-19" پاندمیسی‌نین ایکینجی دالغاسی اولاجاغی تقدیرده، اؤلکه ایقتیثادیاتینی دایاندیرمایا‌جاق‌لارینی آچیقلاییب. اؤلکه‌سی‌نین پاندمی پروسه سیندن چوخ شئی اؤیرندیگینی قئید ائدن ترامپ گله‌جک دالغا‌لارا دا اهمیت‌لی سویه‌ده حاضیرلیق‌لی اولدوق‌لارینی سؤیله‌ییب.

ایتالیا-دا اینفکسیوندان اؤلن‌لرین سایی سون 24 ساعاتدا 156 آرتا‌راق 32 مین 486-یا چیخیب. یولوخما‌لارین سایی مین 792 آزالما ایله 228 مین 6-یا دوشوب.

فرانسا-دا "کووید-19" ویروسون‌دان حیاتینی ایتیرن‌لرین سایی سون 24 ساعاتدا 83 نفر آرتا‌راق 28 مین 215-ا یوکسلیب. ویروس آشکارلانان‌لارین سایی سون 24 ساعاتدا 1735 آرتا‌راق 181مین 826 اولوب.

ایسپانیا-دا "کووید-19"دان حیاتینی ایتیرن‌لرین سایی سون بیر گونده 48 آرتا‌راق 27 مین 940-ا چاتیب. اؤلکه‌ده حیات ایتکیسی 5 گوندور 100-ون آشاغی‌سیندا اولور. عینی دؤورده آشکارلانان یولوخما‌لارین سایی ایسه 344 اولوب. بو نتیجه‌لره کاتالونیا موختار ایداره‌سی ایسه 'یوخلاما پروبلئمی سببیندن بو معلومات‌لارا داخیل ائدیلمه‌ییب. دیگر طرف‌دن علم و اینوواسیون ناظیری پدرو دوگوه ایسپانیا-دا "کووید-19" ویروسونا قارشی داوام ائدن واکسن تاپما فعالیت‌لری چرچیوه‌سینده پاییزدا اینسان‌لار اوزرینده تست آپاریلماسینا کئچیلمه‌سی‌نین گؤزله‌نیلدیگینی آچیقلاییب.

لاتین امریکاسی اؤلکه‌سی مکزیکا-دا سون 24 ساعات عرضینده یئنی نوع کروناویروس اپیدمی سیندن 424 نفر اؤلوب، اؤلن‌لرین سایی 6 مین 510-ا یوکسلیب. اؤلکه‌ده یولوخما‌لارین سایی 2 مین 248 آرتا‌راق 59 مین 567-یه چیخیب.

بعضی دیگر اؤلکه‌لرده جان ایتکیسی بئله‌دیر:

"اینگیلتره 36 مین 42، برزیلیا 20 مین 47، بلژیک 9 مین 186، آلمانیا 8 مین 309، کانادا 6 مین 152، هوللاندیا 5 مین 775، سوئد3 مین 871، پرو 3 مین 148، اکوادور 2 مین 939، سوئیس 1898، ایرلاندیا 1583، پورتوقالیا 1277، لهستان  972، شیلی 589 و بلاروس 185".

 



ایلگیلی‌لی خبرلر