باتی اؤلکه لرینده کروناویروسلا باغلی سون وضعیت

یئنی نوع کروناویروس اپیدمیسی سرعتله یاییلماغا داوام ائدیر. اپیدمی سببیندن ایندیدک حیاتینی ایتیرن‌لرین سایی 220 مینی، یولوخان‌لارین سایی ایسه 3 میلیون 180 مینی کئچیب. معالیجه اولونان خسته لرین سایی ایسه بیر میلیونا چاتیب.

اپیدمی نین مرکزینه چئوریلن امریکانین ماساچوست ایالت ینده کی قوجا‌لار ائویندکی 70 نفرین کروناویروس‌دان حیاتینی ایتیرمه سیندن سونرا لازیمی طبی تدبیرلرین گؤرولمه‌دیگی شوبهه‌سی ایله آراشدیرما آپاریلیر.

ایتالیا-دا کروناویروس‌دان حیاتینی ایتیرنلرین سایی گون عرضینده 323 نفر آرتا‌راق 27 مین 682-ا یوکسلیب. اؤلکه ده ویروسا یولوخان‌لارین سایی دا 548 آرتا‌راق 104 مین 657-ا چاتیب. ساغلیق ناظیری پیرپاولو قوجا‌لار ائوینده یاشانان اؤلوم حال‌لاری ایله باغلی آپاریلان ایستینتاق چرچیوسینده هر دؤرد قوجا‌لار ائویندن بیرینده جدی غیری-قانونی آدیم‌لارین آتیلدیغی‌نین آشکار ائدیلدیگینی دئییب.

فرانسا-دا کروناویروس سببیندن وفات ائدنلرین سایی گون عرضینده 427 آرتا‌راق 24 مین 87-ا یوکسلیب. اؤلکه ده اینفکسیونا یولوخان‌لارین سایی ایسه 626 آرتا‌راق 198 مین 215-ا چاتیب.

اینگیلتره-ده خسته‌خانا‌لار و قوجا‌لار ائولرینده کروناویروس‌دان حیاتینی ایتیرنلرین عمومی سایی 26 مین 97-دیر. اؤلکه‌ده ویروسا یولوخان‌لارین سایی دا 4 مین 76 آرتا‌راق 165 مین 221-ا چاتیب.

کانادادا یئنی نوع کروناویروس قوربان‌لاری‌نین سایی 3 مین 54-ا، اینفکسیونا یولوخان‌لارین سایی دا 51 مین 231-ا یوکسلیب.