یئنی نوع کروناویروس بوتون دونیادا طغیان ائدیر

اپیدمی سببیندن ایندیدک حیاتینی ایتیرن لرین سایی 170 مینی کئچیب.

1403314
یئنی نوع کروناویروس بوتون دونیادا طغیان ائدیر

یئنی نوع کروناویروس اپیدمی سی سرعتله یاییلماغا داوام ائدیر. اپیدمی سببیندن ایندیدک حیاتینی ایتیرنلرین سایی 177 مینی، یولوخان‌لارین سایی ایسه 2 میلیون 560 مینی کئچیب. معالیجه اولونان خسته لرین سایی ایسه 696 مین 175-ا چاتیب.

چین-ده اپیدمی سببیندن 4 مین 632 نفر هلاک اولوب. اؤلکه ده ویروسا یولوخان‌لارین سایی 82 مینی کئچیب.

گونئی کره-ده کروناویروس‌دان حیاتینی ایتیرنلرین سایی 237 نفره یوکسلیب، اینفکسیونا یولوخان‌لارین سایی ایسه 10 مینی اؤتوب.

اؤلوم فاکتی‌نین قئیده آلینمادیغی سیرالئون-دا پرزیدنت ژولیوس مادا بیو جان گودن‌لریندن بیرینده یئنی نوع کروناویروس آشکارلاندیق‌دان سونرا اؤزونو قرنطینه یه آلیب.

 1160 نفرین کروناویروس سببیندن حیاتینی ایتیردیگی افریقا قاره سینده اینفکسیونا یولوخان‌لارین عمومی سایی 23 مینی کئچیب.

209 اینسانین حیاتینی ایتیردیگی پاکیستان-دا ویروسون یولوخدوغو اینسان سایی 9 مین 799-آ یوکسلیب.

سنقال-دا ویروس سببیله 5 خسته دونیاسینی دییشیب، یولوخان‌لارین سایی 164-ا چیخیب.

پرزیدنت ماکی سال افریقا قاره ‌سی‌نین بورج یوکون‌دن آزاد ائدیلمه‌سی چاغیریشینی تکرارلایا‌راق ایقتیصادی جهت‌دن ضعیف و "کووید-19"دان خلاص ائدیله بیلمه‌ین افریقانین بوتون دونیا اوچون بیر تهدید اولا بیله جگینی سؤیله‌ییب.



ایلگیلی‌لی خبرلر