باتی اؤلکه لرینده کروناویروسلا باغلی سون وضعیت
اپیدمیا سببیندن ایندیدک هلاک اولانلارین سایی 144 مینی، یولوخانلارین سایی ایسه 2 میلیون 146 مینی کئچیب. معالیجه اولونان خسته لرین سایی 545 مین اولوب.
اپیدمیا سببیندن ایندیدک هلاک اولانلارین سایی 144 مینی، یولوخانلارین سایی ایسه 2 میلیون 146 مینی کئچیب. معالیجه اولونان خسته لرین سایی 545 مین اولوب.
اپیدمیانین مرکزی اولان امریکا-دا سون 2 آیدا کروناویروسلا علاقهلی اؤلوم حاللاری ایله بیرلیکده وفات ائدن لرین سایی تخمینن 5 مین آرتیب، ویروسا یولوخانلارین سایی ایسه 650 مینه چاتیب. سون 24 ساعاتدا 606 اینسانین اؤلدوگو نیویورک-دا اپیدمیایا گؤره "ائوده قال" تعلیماتی و ضروری اولمایان ایش یئرلرینین باغلانماسی کیمی محدودیتلر می آیی نین 15-دک اوزادیلیب. دیگر طرفدن، گوام آداسیندا قرنطینه ده اولان تئودور روزولت طیاره گمیسینده یئنی نوع کروناویروسا توتولان عسگر سایینین 655-ا چیخدیغی و گؤیرتهدکی 4 مین 59 عسگرین گوام آداسینا قورویا چیخاریلدیغی بیلدیریلیب.
ایتالیا-دا "کووید-19"دان حیاتینی ایتیرنلرین سایی سون 24 ساعات عرضینده 525 نفر آرتاراق 22 مین 170-ا چاتیب. "کووید-19"-ا یولوخانلارین عمومی سایی 168 مین 941 اولوب.
فرانسا-دا کروناویروس اپیدمیاسیندان اؤلنلرین سایی بیر گونده 753 آرتاراق 17 مین 920-ا چیخیب. ویروس آشکارلانان اینسان سایی ایسه 16 مین 464 آرتاراق 164 مین 327-ا یوکسلیب.
13 مین 729 آدامین اؤلدوگو اینگیلتره-ده اپیدمیا ایله موباریزه چرچیوهسینده قیسمی قرنطینه تطبیقینین 3 هفته اوزادیلماسی قرارا آلینیب.
اؤلکهده تدبیرلر چرچیوسینده مکتبلر 20 مارس دا تعطیل ائدیلدی و بوندان سونرا رستوران، کافه و سینمالار کیمی یئرلرین باغلانماسی قرارا آلیندی. آنجاق جمعیتین کوچه یه چیخما قاداغاسی اوچون اعتناسیزلیغی سببیندن مارس آیی نین 23-ده ائودن چیخماغا محدودیتلر قویولدو.
دیگر طرفدن، سوئیس-ده فدرال حکومتی 269 نفرین اؤلومونه سبب اولان یئنی نوع کروناویروس (کووید-19) ایله موباریزه اوچون 16 مارس دا گؤرولن سرت تدبیرلره تدریجن سون قویماق قرارینا گلیب.