باتی اؤلکه لرینده کروناویروسلا باغلی سون وضعیت

اپیدمیا سببیندن ایندیدک هلاک اولان‌لارین سایی 100 مین 827، یولوخان‌لارین سایی ایسه 1 میلیون 800 مینی کئچیب. معالیجه اولونان خسته لرین سایی 412 مینه چاتیب.

اپیدمیانین مرکزینه چئوریلن امریکا-دا کروناویروس‌دان اؤلن‌لرین سایی سون 24 ساعاتدا 831 آرتا‌راق 20 مین 608 نفره چاتیب.

امریکانین نیویورک ایالتینده سون گون عرضینده 758 نفر یئنی نوع کروناویروس اینفکسیونونا یولوخما نتیجه‌سینده حیاتینی ایتیریب، عمومی‌لیکده اؤلن‌لرین سایی 9 مین 385 نفره چاتیب.

ایتالیا-دا "کووید-19"دان اؤلن‌لرین سایی سون 24 ساعاتدا 431 آرتا‌راق 19 مین 899-ا چاتیب، ویروسا یولوخان‌لارین سایی 102 مینی کئچیب.

فرانسا-دا کروناویروس‌دان اؤلن‌لرین سایی سون 24 ساعاتدا 561 آرتا‌راق 14 مین 393، داشیییجی‌لارین سایی 132 مین 591-ا چاتیب.

اینگیلتره-‌ده "کووید-19" اپیدمیاسیی نتیجه‌سینده اؤلن‌لرین سایی سون 24 ساعاتدا 737 نفر آرتا‌راق 10 مین 612-ا یوکسلیب. یولوخما سایی‌نین 5 مین 288 آرتا‌راق 84 مین 279 آرتدیغی اؤلکه‌ده بو گون سونا چاتا‌جاق قیسمی قرنطینه مودتی‌نین اوزادیلاجاغی گؤزلنیلیر.