امریکا-دا گون عرضینده کروناویروس‌دان رکورد سایدا اؤلوم قئیده آلینیب

گون عرضینده امریکا-دا 33 331 نفر یئنی تیپ کروناویروسا یولوخوب، 1 970 نفر ایسه حیاتینی ایتیریب.

 "رویترز"ین وئردیگی خبره گؤره، بو، گون عرضینده اؤلوم سایینا گؤره رکورد ساییلیر.

ویروسا یولوخان‌لارین عمومی سایی ایسه 400 مینی اؤتوب. عمومی اؤلن‌لرین سایی ایسه 12 841 نفردیر.

قئید ائدک کی، یولوخما حالینا گؤره امریکا دونیادا بیرینجی، اؤلوم حال‌لارینا گؤره ایسه ایتالیا و ایسپانیا‌دان سونرا اوچونجو سیرادا‌دیر.