دوغو اؤلکه‌لرینده یئنی نوع کروناویروسلا باغلی سون وضعیت

ایران-دا یئنی نوع کروناویروس اپیدمیاسی سببیندن هلاک اولان‌لارین سایی ایکی مین نفره چاتیب.

1384619
دوغو اؤلکه‌لرینده یئنی نوع کروناویروسلا باغلی سون وضعیت

دونیا-دا یئنی نوع کروناویروس (کووید-19) اپیدمیاسی سببیندن هلاک اولان‌لارین سایی آرتماقدا داوام ائدیر.

ایران-دا یئنی نوع کروناویروس اپیدمیاسی سببیندن هلاک اولان‌لارین سایی ایکی مین نفره چاتیب. معلوماتا گؤره، هلاک اولان‌لار آراسیندا 6 یاش‌لی بیر اوشاق و پولیس ایداره‌سی‌نین رئیسی ده وار.

عراق-دا یئنی نوع کروناویروس (کووید-19) اپیدمیاسی سببیندن اؤلن‌لرین سایی 27-ا یوکسلیب. اؤلکه‌ده ایندیدک ویروسا یولوخان‌لارین سایی 316 -یا، معالیجه اولونان‌لارین سایی ایسه 75-ا چاتیب.

غزه زولاغینداکی وقف‌لر و دینی ایشلر ناظیرلیگی یئنی نوع کوروناویروسا (کووید-19) قارشی موباریزه چرچیوه‌سینده بؤلگه‌دکی بوتون مسجیدلری بو گون‌دن اعتباراً باغلاماق ایله باغلی قرار قبول ائدیب.

ساغلیق ناظیرلیگی‌نین سؤزچوسو اشرف الکودرا ایسرایل-ین 13 ایلدن چوخ‌دور تطبیق ائتدیگی محاصره سببیندن ضروری داوالارین 39 فایزی، طبی آوا‌دان‌لیق‌لارین 23 فایزی و قان ذخیره لرینین 60 فایزی‌نین چاتیشمازلیغی، عینی زاماندا لابراتورادا محدود تجهیزاتین اولدوغونو سؤیله‌ییب. اشرف الکودرا ایسرایل-ین فیلیسطین‌لی‌لرین حیاتی اوچون مسئولیت داشیدیغینی وورغولاییب.

الکودرا بیرلشمیش میللت‌لر تشکیلاتی‌نین بوتون علاقه‌دار قوروم‌لارینا غزه-ده کی محاصره نین آرا‌دان قالدیریلماسی ایله یاناشی، بؤلگه‌یه داوا، طبی لوازیمات، کروناویروسلا موباریزه اوچون لازیمی آوا‌دان‌لیق‌لارین چاتدیریلماسی ایله علاقه‌دار چاغیریش ائدیب.

ایسرایل-ده یئنی نوع کروناویروسا یولوخان‌لارین سایی‌نین 1930 نفره یوکسلدیگینی، هلاک اولان‌لارین سایی‌نین ایسه 3 نفره چاتدیغی بیلدیریلیب.

ناتو-نون افغانیستان‌-داکی قرارلی دستک میسیونونون 4 حربچی‌سینده ده یئنی نوع کروناویروس آشکار ائدیلیب. اونلارین ایتالیا وطنداشی اولدوق‌لاری بیلدیریلیب.

ویروس نتیجه‌سینده اؤلن‌لرین سایینی 19، یولوخان‌لارین سایینی ایسه 366 اولا‌راق آچیقلایان میصر رهبرلیگی یئرلی واختلا 19.00-06.00 آراسیندا کوچه یه چیخما قاداغاسی اعلان ائدیله جگینی بیلدیریب.

مراکش-ده یئنی نوع کروناویروس سببیندن هلاک اولان‌لارین سایی 5-ا، یولوخان‌لارین سایی ایسه 170 -ا چاتیب.

هیندیستان-دا کووید-19 اپیدمیاسی‌نین یاییلماسی‌نین قارشی‌سینی آلماق مقصدیله اینسان‌لارین 21 گون عرضینده ائولرین‌دن چیخما‌لاری قاداغان ائدیلیب.

نیجریه اپیدمیا ایله موباریزه چرچیوه‌سینده بوتون سرحدلرینی 4 هفته باغلاییب. 

فیل دیشی ساحل لرینده دونن یئرلی واختلا ساعات 21:00-دن 05:00-ده ک ائودن چیخماق قاداغان ائدیلدی.



ایلگیلی‌لی خبرلر