آنتونیو گوترش کرونلاویروس ایله باغلی خبردارلیق ائتدیب
بیرلشمیش میللت‌لر تشکیلاتی یئنی نوع کروناویروس اپیدمیاسی ایله باغلی خبردارلیق ائدیب.
بیرلشمیش میللت‌لر تشکیلاتی یئنی نوع کروناویروس اپیدمیاسی ایله باغلی خبردارلیق ائدیب.
بمت-نین باش کاتیبی آنتونیو گوترش یئنی نوع کروناویروسلا باغلی دئییب: ویروسون خصوصیله دونیانین ان مودافعه‌سیز بؤلگه‌لرینده یاییلماسینا ایمکان وئرسک میلیون‌لارلا اینسان اؤله جک.
آنتونیو گوترش تله کنفرانس واسیطه‌سیله کئچیردیگی مطبوعات توپلانتی‌سیندا دونیادا یاییلماغا داوام ائدن کروناویروسلا باغلی بیانات‌لار وئریب.
ویروسون یالنیز اینسان‌لارا دئییل، قلوبال ایقتیصادیاتا دا منفی تأثیر گؤستردیگینی بیلدیرن گوترش اولوسلار آراسی امک تشکیلاتی‌نین ویروس سببیندن دونیا‌داکی ایشچی‌لرین 3،4 تریلیون دو‌لار ایتکی‌سی‌نین اولا بیله جگینی وورغولادیغینی خاطیرلادیب.
میللی سویه‌ده گؤرولن تدبیرلرین قلوبال سویه‌ده یاشانان بحرانا کیفایت قدر فایداسی‌نین اولمادیغینی بیلدیرن آنتونیو گوترش گ20 اؤلکه‌لرینه کروناویروسلا موباریزه‌ده اینکیشاف ائتمکده اولان اؤلکه‌لره کؤمک ائتمه‌لری ایله علاقه‌دار چاغیریش ائدیب.
ان کاسیب و مودافعه‌سیز اؤلکه‌لر ان آغیر ضربه نی آلا‌جاق‌لار. ویروسون خصوصیله دونیانین ان مودافعه‌سیز بؤلگه‌لرینده یاییلماسینا ایمکان وئرسک میلیون‌لارلا اینسان اؤله‌جک. اورتاق بیر دوشمنیمیز وار و بیر ویروسلا موباریزه آپاریریق -دئیه بیرلشمیش میللت‌لر تشکیلاتی‌نین باش کاتیبی وورغولاییب.
