کروناویروسلا باغلی دوغونون وضعیتی

14 نفرین ویروسا یولوخدوغو اوکراینادا ویروس سببیندن اؤلن‌لرین سایی 2-یه یوکسلیب.

1380737
کروناویروسلا باغلی دوغونون وضعیتی

دسامبر آیین‌دان باش قال‌دیران و ایندیدک 183 مینه یاخین اینسانین یولوخدوغو یئنی نوع کروناویروسون (کووید-19) 988 نفرین حیاتینا سون قویدوغو ایران-دا علم و تکنولوژی عذره جمهور باشقانی معاوینی سورنا ستاری گلن هفته‌دن یئنی نوع کروناویروس تشخیص کیتی اوره ته جکلرینی بیلدیریب.

توریزم مرکزلریندن بصره کؤرفزینده کی کیش آداسینا اوچوش‌لار قاداغان ائدیلیلیب. اؤلکه‌دکی بوتون ایالت مرکزلرینده جمعه نامازلاری‌نین قیلینمایاجاغی آچیقلانیب.

آذربایجان-دا 6 یئنی یولوخما فاکتین‌دان سونرا ویروس داشیییجی‌لاری‌نین سایی عمومی لیکده 34 نفره چاتیب. اؤلکه‌ده داها اول 1 نفر کرونوویروس‌دان دونیاسینی دییشیب. آرتان یولوخما فاکتی‌نین قارشی‌سینی آلماق اوچون مسجیدلر موقتی باغلانیب.

14 نفرین ویروسا یولوخدوغو اوکراینادا ویروس سببیندن اؤلن‌لرین سایی 2-یه یوکسلیب.

اوکراینا دمیر یول‌لاری شیرکتی، مارس آیی نین 19-دان اعتباراً قطار ایستگاه لارینین یولجولار اوچون باغلاناجاغینی آچیقلاییب.

آلت یاپی ناظیری ولادیسلاو کریکلی کئچیردیگی مطبوعات کنفرانسیندا پایتاخت کیئو، دنپر و خارکوو‌داکی مترو خیدمت‌لری‌نین بو گون‌دن اعتباراً دایاندیریلدیغینی بیلدیریب.

دیگر طرف‌دن مولدووا پارلامنتی کووید-19 سببیله مارس آیی نین 15-دک فوق العاده وضعیت اعلان ائدیب.

داشیییجی‌لارین سایی‌نین 337-یه یوکسلدیگی ایسرایل-ده کووید-19 سببیله ایچ ایشلر ناظیری آریه دری و تاریم ناظیری تزاچی هانگبی قرنطینه یه آلینیب.

133 یولوخما فاکتی‌نین قئیده آلیندیغی سعودیه عربیستانیندا یئنی نوع کروناویروسلا موباریزه تدبیرلری چرچیوه‌سینده کعبه و مسجیدی نبوی استثنا اولماقلا، مسجیدلرده جمعه نامازی ایله یاناشی، جماعت نامازی قیلینمایا‌جاق.

ایندونزیا حکومتی، کووید-19 اپیدمیاسی سببیندن بوتون خاریجی اؤلکه وطنداش‌لاری اوچون ویزا‌سیز سیاحت رژیمینی تاخیره سالدیغینی بیلدیریب. ایندیدک 19 نفرین حیاتینی ایتیردیگی اؤلکه‌ده ساغلیق ناظیرلیگی 38 یئنی یولوخما ایله خسته‌لیک‌دن اذیت چکن‌لرین سایی‌نین 227-یه چاتدیغینی آچیقلاییب.

3 نفرین اؤلدوگو هیندیستاندا 126 ویروس داشیییجی‌سی وار.

نیجریه نین پایتاختی آبوجادا حکیم‌لر، معاش لاری اؤدنمه دیگیندن اؤلکه‌ده 3-جو یئنی نوع کروناویروس اپیدمیاسی آشکارلاندیق‌دان بیر نئچه ساعات سونرا مودت‌سیز اعتصابا گئتمه قراری آلیب‌لار.



ایلگیلی‌لی خبرلر