باتی اؤلکه‌لرینده یئنی نوع کروناویروسلا باغلی سون وضعیت

چین-ین ووهان شهرینده 2019-جو ایلین دسامبر آییندا اورتایا چیخان یئنی تیپ کرونا ویروسو (کووید-19) آوروپادا یاییلماغا داوام ائدیر. باتی دا یولوخما حادثه‌سی‌نین ان چوخ قئید ائدیلدیگی یئر ایتالیا‌دیر. بئله کی، بورادا “کووید-19”دان اؤلن‌لرین سایی 349 آدام آرتا‌راق 2158 نفره چاتیب.

ایسپانیادا ایسه 309 نفرین ویروس سببیندن هلاک اولدوغو بیلدیریلیب. اؤلکه‌ده 9 مین آدامین کروناویروسا یولوخدوغو وورغولانیب.

"بیز کروناویروسا محاربه اعلان ائتدیک" دئین فرانسا پرزیدنتی امانوئل ماکرون 15 گون ائودن باییرا چیخماماق سیاستی یوروده‌جک‌لرینی دئییب. معلوماتا گؤره، فرانسادا اپیدمیا سببیندن 127 نفر هلاک اولوب.

آلمانیادا اپیدمیا‌دان حیاتینی ایتیرن‌لرین سایی 13، اینفکسیون سایی آلتی مینه یوکسلیب. بو چرچیوه‌ده دونیادا سرعتله یاییلان یئنی نوع کروناویروسون قارشی‌سی‌نین آلینماسی مقصدیله اؤلکه‌ده اجتماعی و سوسیال تاسیس لرین فعالیتی موقتی دایاندیریلیب.

اینگیلتره‌ده ایسه 55 نفرین یئنی نوع کروناویروس اپیدمیاسیندان هلاک اولدوغو بیلدیریلیب. “کووید-19” ویروسو ایله باغلی هوللاندیادا اؤلن‌لرین سایی 24-دور.

استرالیا-دا ایسه اپیدمیا‌دان حیاتینی ایتیرن‌لرین سایی 3، اینفکسیون سایی 16 مین نفره یوکسلیب.

سوئیس حکومتی یئنی نوع کروناویروسون سرعتله یاییلماسی ایله علاقه‌دار فوق العاده وضعیت اعلان ائدیب. 18 نفرین اؤلدوگو اؤلکه‌ده (کووید-19) اپیدمیاسینا یولوخان‌لارین سایی 2 مین 353 نفره چاتدیغی بیلدیریلیر.

سوئد-ده  6 آدام ویروس‌دان حیاتینی ایتیریب، 40 مین نفر یولوخوب.

ویروسا یولوخما حادثه‌سی چکیا-دا 298، لهستان-دا 156، سلوواکیادا 72، ماجاریستاندا ایسه 39 اولوب.

امریکانین ایالت لرینده “کووید-19”ا یولوخما 5 مینه یاخینلاشیب، اؤلو سایی ایسه 85-دیر.

امریکانین نیویورک، نیو جرسی، کانکتیکات ، کنتاکی و میشیگان ایالت لرینده بارلار و رستوران‌لارین فعالیتی موقتی دایاندیریلیب.