بمت-نین ادلیب-ده آتشکسین دایمی اولماسینا اومیدینی دیله گتیریب

تورکیه ایله روسیا آراسیندا الده ائدیلمیش راضیلاشمایا اساساً، سوریه-نین ادلیب شهرینده آتشکس اعلان دیلیب.

1373304
بمت-نین ادلیب-ده آتشکسین دایمی اولماسینا اومیدینی دیله گتیریب

تورکیه ایله روسیا آراسیندا الده ائدیلمیش راضیلاشمایا اساساً، سوریه-نین ادلیب شهرینده آتشکس اعلان دیلیب.

جمهور باشقانی رجب طیب اردوغان و روسیا‌لی همکاری ولادیمیر پوتین طرفیندن روسیانین پایتاختی موسکوا-دا الده ائدیلن راضیلاشما‌دان سونرا ادلیب-ین گرگین‌لیگی آزالتما بؤلگه‌سینده آتشکسه نایل اولونوب.

آنلاشمادا ادلیب-ین گرگین‌لیگی آزالتما زوناسینداکی تماس خطینده حربی عملیات‌لار 6 مارس 2020-جی ایل تاریخینده گئجه ساعات 00.01-دن اعتباراً دایان‌دیریلا‌جاق" ماده‌سی عکسینی تاپیب.

بمت-نین باش کاتیبی آنتونیو گوترش، تورکیه و روسیانین بیرگه راضیلاشماسینا اساساً ادلیب-ده اعلان ائدیلن آتشکسین "قالیجی" اولماسینا اومید ائتدیگینی بیلدیریب.

گوترش بمت باش کاتیبی‌نین سؤزچوسو استفان دوژاریج واسیطه‌سیله تورکیه و روسیا آراسیندا ادلیب-ده آتشکس موضوع سوندا "یوکسک سویه‌ده" الده ائدیلن راضیلاشما ایله باغلی آچیقلاما وئریب.

آتشکسین درحال تطبیق ائدیلمه‌سینی، داواملی اولماسینی و سوریه-نین قوزیی-باتی سینداکی سیویل لرین مودافعه‌سینه اومید ائتدیگینی وورغولایان گوترش بمت-نین نظارتی آلتیندا سیاسی دانیشیق‌لارا قاییتماقلا باغلی چاغیریش دا ائدیب.

امریکا-دا، تورکیه ایله روسیا آراسیندا الده اولونان ادلیب آتشکس راضیلاشماسی‌نین، بؤلگه‌ده‌کی اینسانی بحرانی یونگول لشدیرمه‌سی و تهلوکه‌لی وضعیتین آرا‌دان قالدیریلماسی باخیمیندان اومید وئریجی اولدوغونو آچیقلاییب.

امریکانین خاریجی ایشلر ناظیرلیگی‌نین آچیقلاماسیندا "حاضردا ادلیب-ده اولدوقجا تهلوکه‌لی وضعیتین آرا‌دان قالدیریلاجاغینا و اسد رژیمی، روسیا، ایران، ائله‌جه ده حزب الله قوه‌لری طرفیندن سیویل اراضی‌لره ائدیلن هوجوم‌لار نتیجه‌سینده یارانان قورخونج اینسانی بحرانی یونگوللشدیرجگینه اومید ائتدیگیمیز تورک-روس آتشکسینی دستکلییریک" دئیه بیلدیریلیب.

بونونلا یاناشی، امریکانین ناتو متفیقی تورکیه ایله آتشکسین دئتال‌لارینی موذاکیره ائتمگی گؤزله دیگینی عکس ائتدیرن آچیقلامادا "آرتیق ان اؤنملی مقام داواملی آتشکسین نظرده توتولدوغو راضیلاشمایا اسد و دستکچی‌لری‌نین عمل ائدیب-ائتمه‌یه‌جک‌لری‌دیر" فیکرینه ده یئر وئریلیب.



ایلگیلی‌لی خبرلر