جیمز جفری:"امریکا تورکیه-یه مهمات وئره بیلر"
امریکا تورکیه-یه سلاح-مهمات و اینسانی یاردیم وئرمهیه حاضردیر.
امریکانین سوریه عذره خصوصی نمایندهسی جیمز جفری تورکیه-یه مهمات مسئله سینده دستک وئرمهیه حاضیر اولدوغونو بیلدیریب.
جیمز جفری و امریکانین آنکارا سفیری دوید ساترفیلد، حاتای ویلایتینده اسد رژیمینین ظلموندن قاچاراق تورکیه-یه گلنلرین قالدیغی دوشرگهنی زیارتی زامانی ژورنالیستلره آچیقلاما وئریب.
جفری ژورنالیستلرین عنوانلادیقلاری "ناتو ترکیبینده تورکیه-یه نئجه دستک اولا بیلرسینیز" سوالا جاوابن: "تورکیه ناتو عضوودور. تورک سلاحلی قوه لرینین ایستیفاده ائتدیگی مهمات و تکنیکالارین اکثریتی امریکا منشألیدیر. ضرورت اولماسی حالیندا بو ساحهده لازیملی دستکی وئرمکده حاضیریق"-دئییب.
سوریه رژیمینین ادلیب-دهکی هوجوملارینین "تامامی ایله شیطانجا" اولدوغونو ایفاده ائدن جیمز جفری رژیمین میلیونلارلا اینسانین ادلیب-دن چیخاریلماسی اوچون اخلاقسیز سیاست ایزلدیگینی و بؤلگهده اهالی قورولوشونو دییشدیرمهگی پلانلاشدیردیغینی وورغولاییب.