تورکیه آلمانیا-داکی هوجوما رئاکسیا گؤستردی
پرزیدنت معاوینی فواد اوختای آلمانیا-نین هاناو شهرینده فوریه نین 19-دا ایکی ایش یئرینه ائدیلن و 9 نفرین حیاتینی ایتیردیگی سلاحلی هوجوملا باغلی آچیقلاما وئریب.
پرزیدنت معاوینی فواد اوختای آلمانیا-نین هانائو شهرینده فوریه نین 19-دا ایکی ایش یئرینه ائدیلن و 9 نفرین حیاتینی ایتیردیگی سلاحلی هوجوملا باغلی آچیقلاما وئریب.
اوختای آچیقلاماسیندا “حادثهنین ایشیقلاندیریلماسی اوچون آلمان طرف موقابیللریمیزین لازیم اولان حساسلیغی گؤسترمهلرینی گؤزلییر، وضعیتی یاخیندان تعقیب ائدیریک. حیاتینی ایتیرنلره اللهدان رحمت، یارالیلارا شفا دیلییرم” ایفادهسینی ایشلدیب.
تورکیه بؤیوک میللت مجلیسینین صدری مصطفی شنتوپ دا "آلمانیادا عرقچی تشکیلاتلانمالارین و هوجوملارین آرتدیغینی تشویشله تعقیب ائدیریک" دئییب.
شنتوپ "آلمانیانین عرقچی، ناسیست اساسلی ترور حادثه لرینه قارشی لازیملی تدبیرلر گؤرولمهلیدیر" خبردارلیغینی ائدیب.
خاریجی ایشلر ناظیری مولود چاووش اوغلو دا ت.ر.ت-ده ایشتیراک ائتدیگی جانلی پروقرامدا بو مسئله یه توخوناراق هوجومون عرقچی موتیولرینه دقت چکیب.
ناظیر "آوروپا اؤلکهلری اؤز داخیللرینده بو عرقچیلیگین قارشیسینی آلمایاجاغی تقدیرده چوخ تهلوکهلی یولا اوز توتولاجاقدیر. آوروپادا عرقچیلیک جدی سویهدهدیر. ایلکین معلوماتلارا گؤره، هوجومون عرقچی موتیولرینین اولدوغو سؤیلنیر" دئییب.
جمهور باشقانلیغی سوزچوسو ابراهیم کالین ایسه حادثه ایله علاقهدار تویتر صحیفهسینده اؤلنلره اللهدان رحمت، یارالیلارا شفا دیلهیهرک بیلدیریب کی، حادثه نی ایشیقلاندیرماق اوچون آلمان طرف موقابیللرین ال لریندن گلنی یئرینه یئتیرمهلرینی گؤزلییریک. عرقچیلیک کوللئکتیو بیر کانسردیر.
عدالت و اینکیشاف پارتیسینین سؤزچوسو عمر چلیک ایسه سوسیال شبکهدکی پایلاشماسیندا "فاجعهلی هوجوم آوروپانی جایناغینا کئچیرن عرقچیلیگین و فاشیزمین یئنی وحشتیدیر" ایفادهسینی ایشلدیب.
قئید ائدک کی، آلمانیانین هانائو شهرینده یئرلی واختلا 22:00 رادهلرینده ایکی آیری ایش یئرینده ائدیلن هوجومدا 9 نفرین حیاتینی ایتیردیگی، خیلی سایدا اینسانین دا یارالاندیغی بیلدیریلمیشدی.
حیاتینی ایتیرنلر آراسیندا تورکلرین ده اولدوغو ایرهلی سورولور.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب