امریکا، اینگیلتره و آلمانیا-نین سوریه رژیمینه تورکیه ایله باغلی چاغیریشی

امریکا، اینگیلتره و آلمانیا بمت تهلوکه‌سیزلیک شوراسیندا سوریه رژیمینی تورکیه-‌نین ادلیب-ده کی موشاهیده منطقه‌لرینه یؤنلدیلمیش هوجوم‌لارینا سون قویماغا چاغیریب.

امریکانین بمت-دکی دایمی نماینده‌سی کلی کرافت بمت تهلوکه‌سیزلیک شوراسیندا ائتدیگی چیخیشدا سوریه-ده اوشاق‌لار سویوق‌دان اؤلرکن رژیمین، اونا دستک اولان روسیا، ایران و حزب الله-ین هوجوم‌لاری ایله حربی ظفر اعلان ائتدیگینی سؤیله‌ییب.

کرافت دئییب کی، امریکا اولا‌راق سوریه-لی قاچقین‌لارا یاردیم مسئله سینده اوزرینه ان چوخ مسولیت گؤتورن ناتو متفیقی تورکیه-‌نین قانونی ماراق‌لارینی دستکلییریک و تورکیه‌-نین توققوشما‌لار سببیندن یئنی قاچقین آخینی باره‌دکی ناراحات‌لیغینی باشا دوشوروک. تورکیه-نی سوریه-نین قوزیی –باتی سیندا گرگین‌لیگی آرتیرماقدا اتهام ائدن روسیا‌لی صلاحیت‌لی‌لرین آچیقلاما‌لارینی اصلا قبول ائتمیریک. بونون مسئولیتی‌نین اسد رژیمی و روسیا اولدوغون‌دان شوبهه‌میز یوخ‌دور.

کلی کرافت اؤلکه‌سی‌نین آتشکسین برپاسی و رژیم قوه‌لری‌نین 2018-جی ایلده سوچی-ده قبول ائدیلن آتشکس خطینه گئری چکیلمه‌سی اوچون دیپلوماتیک جهدلر موضوع سوندا تورکیه ایله کووردیناسیون شکیلده فعالیت‌لرینی داوام ائتدیرجگینی وورغولاییب.

آلمانیانین بمت-دکی دایمی نماینده‌سی کریستف هاسگن ده تورکیه-‌نین ادلیب-ده کی موشاهیده منطقه‌لری‌نین اطرافیندا آرتان گرگین‌لیک‌دن ناراحات اولدوق‌لارینی بیل‌دیره‌رک، "سوریه رژیمین‌دن تورکیه حربچی‌لرینه ایستیقامت‌لی هوجوم‌لارینی دایاندیرماسینی و درحال گرگین‌لیگی آزالتماسینی طلب ائدیریک" دئییب.

اینگیلتره‌نین بمت-دکی دایمی نماینده‌سی کارن پیرس ده "تورکیه-‌یه هوجوم‌لارین دایانماسی لازیم‌دیر. تورکیه ادلیب-ده باریش مقصدلی حل اوچون جهد گؤستردی و گرگینلیگین آرتماسی‌نین حاضردا 3،5 میلیون قاچقی‌نین یوکونو اوزرینه گؤتورن تورکیه-‌یه تأثیر ائتمه‌سیندن تشویش دویوروق" دئیه بیلدیریب.