ترامپ سوزده اورتا دوغو باریش پلانینی آچیقلادی
ترامپ ایسرایلین باش ناظری بنیامین نتانیاهو ایله آغ ائوده کئچیردیگی مطبوعات کنفرانسیندا تک طرف‌لی اورتا دوغو باریش پلانینینی اولوسلار آراسی توپلوما تقدیم ائتدی.
امریکا پرزیدنتی دونالد ترامپ ژانویه نین 28-ده اورتا دوغو باریشی اوچون ایره‌لی سوردوگو پلانینی تقدیم ائدرکن قودسون ایسرایلین “بؤلونمز” پایتاختی کیمی قبول ائدیله جگینی و پلانین فیلیسطین‌لی‌لر اوچون “سون شانس” اولدوغونو ایفاده ائدیب.
ترامپ ایسرایلین باش ناظری بنیامین نتانیاهو ایله آغ ائوده کئچیردیگی مطبوعات کنفرانسیندا تک طرف‌لی اورتا دوغو باریش پلانینینی اولوسلار آراسی توپلوما تقدیم ائتدی.
سؤزده باریش پلانی‌نین 80 صحیفه‌دن عبارت اولدوغونو بیلدیرن ترامپ پلانین هم ایسرایل، هم ده فیلیسطین طرفی اوچون چوخ قیمت‌لی مادده‌لر احتیوا ائتدیگینی ایره‌لی سوردو.
دونالد ترامپ پلانی‌نین فیلیسطینه پایتاختی قودسون دوغوسوندا بیر بؤلگه‌ده یئر آلان موستقیل بیر دؤولتی نظرده توتدوغونو ایفاده ائتدی و پلان حیاتا کئچیریله جگی تقدیرده فیلیسطین‌لی‌لرین تورپاق‌لاری‌نین ایکی قات آرتاجاغینی وورغولادی.
پلان چرچیوه‌سینده ایسرایلین “گله‌جکده قورولا‌جاق فیلیسطین دؤولتی”نین شرط‌لرینی موذاکیره ائتمه‌یه حاضر اولدوغونو بیلدیرن ترامپ مقصدلری‌نین آیری-آیری میللت دؤولت اولاراق ایسرایل و فیلیسطین دؤولت‌لری‌نین تانینماسی اولدوغونو قئید ائتدی.
ایره‌لی سورولن اورتا دوغو باریش پلانینا اساساً، ترامپ فیلیسطتینه موستقیل بیر دؤولت اولا بیلمه‌سینده لازیم اولان شرط‌لری یئرینه یئتیره بیلمه‌سی مقصدیله 4 ایللیک بیر مودتی نظرده توتدوق‌لارینی بیلدیردی.
ترامپ یئنی قورولا‌جاق فیلیسطین دؤولتینه 50 میلیارد دو‌لارلیق سرمایه قویولوشونون تامین اولوناجاغینی دا قئید ائتدی.
دیگر طرف‌دن ترامپ القصی مسجیدی‌نین ایستاتوسونون دییشمه‌یه‌جگینی، ایسرایلین بو بؤلگه‌نین تهلوکه‌سیزلیگینی تامین ائتمه‌یه و مسلمان‌لارین بو مسجیددن عبادت‌لرینی یئرینه یئتیرمه‌لری اوچون ایستیفاده ائتمه‌لرینه ایمکان یاراتماقدا داوام ائدجگینی دیله گتیردی.
ترامپ اردون-ون بو موضوع دا ایندیدک اولدوغونو کیمی خصوصی وضعیتی‌نین قوروناجاغینی و بو اؤلکه‌نین ایسرایل ایله ایشلمه‌یه داوام ائدجگینی سؤزلرینه ائلاوه ائتدی.
بو آرادا، دونالد ترامپ توتیر حسابیندا ایره‌لی سوردوگو اورتا دوغو باریش پلانیندا عکس اولونان گله‌جک فیلیسطین دؤولتی‌نین خریطه‌سینی پایلاشیب.
ترامپ آچیقلاماسیندا “دایمی اولاراق ایسرایل دؤولتی و یهودی خالقی‌نین یانیندا اولاجاغام. اونلارین امین-آمان‌لیغی و تهلوکه‌سیزلیگینی، اؤز تاریخی وطن‌لرینده یاشاماق حاق‌لارینی گوجلو شکیلده دستکلییرم. آرتیق باریش زامانی‌دیر!” ایفاده‌لرینی ایشلدیب.
موجود ایشغال وضعیتی‌نین “قانونی سرحدلر” اولاراق قبول ائدیلدیگی خریطه‌یه گؤره، ایسرایلین ایشغا‌لی آلتینداکی 15 یاشاییش منطقه‌سی ایسرایل تورپاغی کیمی تقدیم اولونوب.
قودسون ایسرایلین پایتاختی کیمی گؤستریلدیگی خریطه‌ده “گله‌جک‌دکی فیلیسطین دؤولتی” عباره سیله ده پایتاختی قودسون دوغوسونداکی بیر بؤلگه کیمی معین ائدیلن فیلیسطین دؤولتی‌نین تورپاق‌لاری گؤستریلیب.
ایسرایلین باش ناظیری نتانیاهو ایسه ترامپین ایره‌لی سوردوگو اورتا دوغو باریش پلانی‌نین دئتال‌لارینی آچیقلاییب.
پلانی “ایسرایل اوچون چوخ بؤیوک و تاریخی قازانج” کیمی دیرلندیرن نتانیاهو امریکانین ایره‌لی سوردوگو اورتا دوغو باریش پلانی چرچیوه‌سینده اردن چایی‌نین غرب ساحلین‌دکی یهودی یاشاییش منطقه‌لرینی ایسرایل تورپاغی کیمی تانییاجاغینی آچیقلاییب.
نتانیاهو آیریجا ترامپین پلانینا گؤره، ایسرایلین اردن وادیسی اوزرین‌دکی حاکمیتینی داوام ائتدیرجگینی ده وورغولاییب.
امریکانین پلانینا اساساً، 6 میلیونا یاخین فیلیسطین‌لی قاچقی‌نین گئری قاییتماق حاقی‌نین اولمایاجاغینی دا آچیقلایان نتانیاهو پلانین بؤلگه باریشینا بؤیوک تحفه سی‌سی‌نین اولاجاغینی ایره‌لی سوروب.
