لوفت هانزا ایران و عراق اوزریندن اوچوش لاری دایاندیریب
ایران و عراق اوزریندن اوچوشلاری دایاندیران هاوا یولو شیرکتلرینه "لوفت هانزا" دا قوشولدو.
آلمانیانین "لوفت هانزا" هاوا یولو شیرکتی ایران و عراق-ا اوچوشلاری و ایکی اؤلکهنین هاوا مکانلاریندان کئچن گذرگاه لارینی "تدبیر اولاراق" دایاندیردیغینی بیان ائدیب.
شیرکتین آچیقلاماسینا گؤره، امریکا ایله ایران آراسیندا اورتا دوغو-دا درینلشن گرگینلیک سببیندن ایران ایله عراق هاوا مکانیندان کئچن اوچوشلارین گذرگاه لارینین طلب قاریشیسیندا "تدبیر کیمی" دییشمهسی قراری آلیندی و بو اؤلکهلرین هاوا مکانیندان اوچوشلار یوخدور.
"لوفت هانزا" گوندهلیک رئاللاشان فرانکفورت-تهران اوچوشونون لغو ائدیلدیگینی و ژانویه نین 11-نه اولان اوچوشون دا اولمایاجاغینی آچیقلاییب.
خاطیرلاداق کی، گؤیرتهسینده 176 نفر اولان "بوئینگ 737" تیپلی یولجو طیارهسی بو گون تهران-ین امام خمینی آدینا اولوسلار آراسی هاوا لیمانیندا قضایا اوغراییب. قضا نتیجهسینده ساغ قالان اولماییب.
دیگر طرفدن امریکا فدرال هاواجیلیک ایدارهسی (FAA) امریکان هاوا یولو شیرکتلری و پیلوتلارینین ایران، عراق و بصره کؤرفزی هاوا مکانیندا اوچمالارینین قاداغان ائدیلدیینی آچیقلامیشدی.
فرانسانین "ایر فرانس" هاوا یوللاری شیرکتی ده ایران و عراق هاوا مکانلاری اوزریندن اوچوشلاری دایاندیردیغینی بیلدیریب.
سنگاپور هاوا یوللاری، تایوانین "اوا آیر"، مالزیانین هاوا یوللاری، وئتنام هاوا یوللاری شیرکتلری ده ایران هاوا مکانیندا اوچوشلاری دایاندیردیقلارینی آچیقلاییب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب