آوروپا پارلامئنتی عضو اؤلکهلری ایستانبول موقاویلهسینی تصدیقلمهیه چاغیردی
آوروپا پارلامئنتی بوتون عضو اؤلکهلری "قادینا زوراکیلیغین قارشیسینین آلینماسینا دایر" ایستانبول موقاویلهسینی تصدیقلمهیه چاغیردی.
آوروپا پارلامئنتی بوتون عضو اؤلکهلری "قادینا زوراکیلیغین قارشیسینین آلینماسینا دایر" ایستانبول موقاویلهسینی تصدیقلمهیه چاغیردی.
فرانسانین استراسبورگ شهرینده کئچیریلن آوروپا پارلامئنتینین عمومی ایجلاسیندا ایستانبول موقاویلهسینین تصدیقلنمهسینه دایر قرار لاییحهسینین علیهینه 91، لهینه 500 سس وئریلیب. بئلهلیکله قرار لاییحهسی تصدیقلنیب.
قراردا بولقاریستان، چکیا، ماجاریستان، لیتوانی، لاتویا، سلوواکیا و اینگیلترهنین موقاویلنی ایمضالادیغی، آنجاق تصدیقلمهدیگی بیلدیریلهرک، بعضی اؤلکهلرده موقاویله حاقیندا سهو معلومات یایاراق آپاریلان کامپانیالار ایسه قینانیب.
بو اؤلکهلره ایستانبول موقاویلهسینی عاجیل تصدیقلمه چاغیریشی ائدیلن قراردا آوروپا بیرلیگی کمیسیونونون دا قادینا زوراکیلیغا قارشی موباریزهده ایلکین پلاندا یئر آلماسی توصیه ائدیلیب.
قید ائدک کی، آوروپا بیرلیگی ایستانبول موقاویلهسینی 2017-جی ایلده ایمضالامیشدی.
سون معلوماتلار آوروپا بیرلیگی میقیاسیندا 3 قادیندان بیرینین فیزیکی یاخود جینسی زوراکیلیغا معروض قالدیغینی اورتایا قویور.