بمت اسد رژیمینی قینادی

بمت سوریه-ده اسد رژیمی‌نین ادلیب-ده بیر چادیر دوشرگه‌سینده 12 سیویل وطنداشین اؤلومونه سبب اولان هوجومو قینادی.

بمت-نین سوریه عذره خصوصی نماینده‌سی  گیر پدرسونون خصوصی سؤزچوسو نجات روجدی نوامبرین 21-ده ادلیب-ین قوزیی ینده کی کاه کندین‌دکی چادیر دوشرگه‌سینه ائدیلن و 12 سیویل وطنداشین اؤلومونه سبب اولان حادثه‌یه دایر آچیقلاما وئریب.

بؤلگه‌دن الده ائدیلن خبرلره گؤره، رژیم بؤلگه‌سیندن چادیر دوشرگه‌سینه ایستیقامت‌لی بیر راکتین آتیلدیغینی بیلدیرن روچدی راکتین بیر دوغوم ائوی‌نین یاخین‌لیغینا دوشدوگونو دئییب.

روجدی خیلی سایدا اینسانین یاشادیغی دوشورگه‌یه ائدیلن هوجومو سرت شکیلده قیناییریق. هوجوم نتیجه‌سینده سیویل  وطنداش‌لاردان 50 نفر ده یارالانیب، قوربان‌لار آراسیندا اوشاق‌لار دا وار" دئیه بیلدیریب.

دوشرگه‌ده اولان سیویل وطنداش‌لارین ائولرینی ترک ائتمک مجبوریتینده بوراخیلدیق‌لارینا، بعضی‌لری‌نین دفعه‌لرله ائو-ائشیگیندن ائدیلدیگینه و بو شخص‌لرین خیلی چتین شرط‌لرده یاشادیغینی ایفاده ائدن روجدی هاوانین درجه سینین آشاغی دوشدوگو بیر زاماندا ائدیلن هوجوملا چادیر و دیگر سیغینا‌جاق یئرلرین تخریب اولوندوغونا دقت چکیب.

روجدی هوجومون خصوصیله 20 نوامبر- دونیا اوشاق حقوق‌لاری و کنوانسیونو گونونده ائدیلمه‌سی‌نین تأسف دوغوردوغونو قئید ائدیب.

"سوریه-ده کی اینسانی فاجعه بیتمه‌لی‌دیر" دئیه بیلدیرن روجدی سیویل لره و سیویل آلت یاپی تاسیس لرینه ائدیلن هوجوم‌لارلا علاقه‌دار ایستینتاقا چاغیریشینی تکرارلاییب.