قاچقین لارین میندیگی قاییق آشدی: 67 قاچقین اؤلدو

آک دنیزده لیبی ساحل‌لرینده نوامبرین 20-ده آخشام راده‌لرینده قاچقین‌لارین میندیگی رزین قاییغین آشماسی نتیجه‌سینده 67 نفر حیاتینی ایتیریب.

ایتالیانین "آنسا" آژانسی‌نین آک دنیزینده کئچمه‌یه جهد گؤسترن‌لره موستقیل عاجیل یاردیم دستکی وئرن “Alarmphone” آدلی اینترنت سایتینا ایستیناد ائتدیگی خبرینه گؤره، لیبی-نین پایتاختی طرابلس ساحل‌لرینده یئنی بیر قاچقین فاجعه‌سی یاشانیب.

“Alarmphone” سایتی ایله علاقه ساخلایان بیر بالیقچی لیبی ساحل‌لرینده باش وئرن حادثه‌دن دانیشا‌راق قاچقین لاردان 30-نون خلاص ائدیلدیگینی، 67-نین ایسه حیاتینی ایتیردیگینی بیلدیریب.

شاهیدلر ایسه ایفاده‌لرینده بالیقچی‌لارین یئرلی واختلا 17:00 راده‌لرینده طرابلس ساحل‌لرینده سونمیش بیر رزین قاییق و اطرافیندا دنیزه دوشموش خئی‌لی سایدا قاچقین اولدوغونو دیله گتیرب‌لر.

بالیقچی‌لارین لیبی ساحل تهلوکه‌سیزلیک خیدمتیله علاقه ساخلادیق‌لاری، آنجاق نتیجه الده ائده بیلمه‌دیک‌لری بیلدیریلیب.