"تورکییه‌ مرکزی اؤنمه صاحب"

ماس: تورکییه‌ ناتو عضوودور و ائله ده قالاجاق

"تورکییه‌ مرکزی اؤنمه صاحب"

آلمانیا خاریجی ایشلر باخانی هایکو ماس، تورکییه‌نین ناتودا مرکزی اؤنمه صاحب بیر اورتاق اولدوغونو سؤیله‌دی.

ماس، برلین دووارینین داغیلماسینین ۳۰‌.جو ایل‌ دؤنومو فعالیتلری چرچیوه‌سین‌ده آلمانیایا گلن آمریکا بیرلشمیش دؤولتلری خاریجی ایشلر باخانی مایک پومپئو ایله لایپزیگ‌ده تشکیل ائدیله‌ن اورتاق مطبوعات کنفرانسین‌دا آچیقلامالار وئردی.

چیخیشین‌دا، تورکییه ایله ایلیشکی‌لره توخونان ماس، تورکییه‌نین ناتو عضوو اولدوغونو و ائله ده قالاجاغینا ایشاره ائد‌رک، تورکییه ناتودا مرکزی اؤنمه صاحب بیر اورتاق" دئدی.

فرانسا پرزیدنتی امانوئل مکرونون "ناتونون بئیین اؤلومو گرچکلشدی" ایفاده‌سینه قاتیلمادیغینی بیلدیرن ماس، ناتونون آوروپانین گوونلیگینی ضمانت آلتینا آلدیغینا دقت چکدی.

آمریکا خاریجی ایشلر باخانی مایک پومپئو دا، ناتونون، تاریخ‌ده‌کی ان حساس اورتاقلیقلاردان بیری اولماغا داوام ائتدیگینی ایفاده ائد‌رک، "بوتون ناتو عضو اؤلکه‌لری ناتونون یوکونو پایلاشمالی" ایفاده‌سینی ایشلتدی.



ایلگیلی‌لی خبرلر