مرکل، او عابده پارکی زیارت ائتدی

مرکل، زویکا شهرینده عرقچی ناسیونال سوسیالیست یئرآلتی (NSU) ترور تشکیلاتی طرفین‌دن 2000-2007-جی ایللرده قتل ائدیلن 8 ی تورک 10 نفرین خاطیره‌سینه تیکیلن آغاج‌لارین اولدوغو عابده پارکی زیارت ائتدی

merkel nsu anit park2.jpg
merkel nsu anit park1.jpg

آلمانیا باش ناظیری آنگلا مرکل، زویکا شهرینده عرقچی ناسیونال سوسیالیست یئرآلتی (NSU) ترور تشکیلاتی طرفین‌دن 2000-2007-جی ایللرده قتل ائدیلن 8 ی تورک 10 نفرین خاطیره‌سینه تیکیلن آغاج‌لارین اولدوغو عابده پارکی زیارت ائتدی.

بورادا ناسیونال سوسیالیست ترور تشکیلاتی‌نین ایلک قتل ائتدیگی انور شیمشک آدینا تیکیلن آغاجین اؤنونه آغ گول بوراخان مرکل، زویکا بلدیه‌سینه ده عابده پارک اوچون تشککورلرینی چاتدیردی.

مرکل، ناسیونال سوسیالیست ترور تشکیلاتی‌نین ایشلدیگی وحشی جینایت‌لرین 8 ایل اوّل دونن اورتایا چیخدیغینی خاطیرلادا‌راق، آلمانیا دا بیر داها بئله بیر وضعیتین یاشانماماسی‌نین سیاست و دولتین وظیفه‌سی اولدوغونو ایفاده ائتدی.

آلمانیا باش ناظیری مرکل، ناسیونال سوسیالیست قوربان‌لارینا دا اؤلکه‌ده تکرار گؤزل بیر حیات فورصتی‌نین تامین ائدیلمه‌سی لازیم اولدوغونون وورغولادی.

مرکل، بیز حکومت اولا‌راق داها اوّل ضرر چکمیش عائله‌لره وئردیگیمیز سؤزو توتاجاغیق و بیر داها آلمانیا دا بو جور حادثه‌لرین یاشانماماسی اوچون چالیشاجاغیق. آنجاق بونون اوچون یالنیز امنیت گوج‌لرینه دئییل جسور کس‌لره ده احتیاج وار. دئیه دانیشدی.

مرکل‌ین چیخیشی زامانی حدین‌دن آرتیق ساغچی بیر قروپون 250 متر مسافه‌ده اعتراض نوماییشی گئچیرمه‌سی ده دقتی چکدی. حکومت طرفین‌دن ناسیونال سوسیالیستدان ضرر چکنلری ایله ماراقلانماسی اوچون اومبودسمان اولا‌راق وظیفه‌لن‌دیریلن باربارا ژوهن دا بورادا ژورنالیست‌لره ائتدیگی آچیقلامادا، هر کیم بو 10 آدامی اونودسا اولا بیله‌جک بیر سیاسی جینایته بیگانه قالمیش اولور. دئدی. شیمشک خاطره‌سینه تیکیلن آغاجین 2 آی اوّل کسیلمه‌سینی قورخونج بیر حادثه اولا‌راق تعیین ائدن ژوهن، اومید ائدیرم بیر داها بئله بیر شئی یاشانماز. زویکائولولار اوچون ده بورا چوخ اهمیت‌لی. اونلار دا شهرین ایماژی باخیمین‌دان بورایا صاحب چیخما‌لی‌لار. ایفاده‌لرینی ایستیفاده ائتدی.

ژوهن، نسو عضو‌لری‌نین زویکائو شهرینده ساخلانما‌لارینی ایسه اوتانج وئریجی اولدوغونو قئید ائتدی.

زویکادا شووانن تایک پارک (Schwanenteichpark) آدلی پارک‌دا 60 مترمربع‌لیک ساحه‌یه نسو قوربانلاریندان‌ شیمشک خاطیره‌سینه 3 سپتامبردا بیر آغاج اکیلمیش آنجاق آغاج شخصیتی نامعلوم آدام یا دا کس‌لر طرفین‌دن کسیلمیشدی. حادثه‌نین آردین‌دان عینی ساحه‌یه بازار گونو نسو قوربان‌لارینی ایشاره‌له‌ین 10 آغاج تیکیلمیشدی.



ایلگیلی‌لی خبرلر