آمریکانین ده قاتیلدیغی اولوسلار آراسی IMX19 دنیز مانوری باشلادی
سعودی عربیستانی ساوونما ناظیرلیگیندن ائدیلن یازیلی آچیقلامایا گؤره، سعودی عربیستانی کرال دنیز گوجلری، اولوسلار آراسی دنیز مانورونا قاتیلماق اوچون بحریندکی سلمان دنیز پایگاهینا گئتدی
اولوسلار آراسی IMX19 دنیز مانوری آمریکانین دا قاتیلیمی ایله بحرینده باشلادی. سعودی عربیستانی ساوونما ناظیرلیگیندن ائدیلن یازیلی آچیقلامایا گؤره، سعودی عربیستانی کرال دنیز گوجلری، اولوسلار آراسی دنیز مانورونا قاتیلماق اوچون بحریندکی سلمان دنیز بازاسینا گئتدی.
دنیز گوجلرینی، باشکند ماناماداکی سعودی عربیستانی نیظامی آتشهسی فهد بن ایبراهیم السنیان قارشیلادی.
آچیقلامادا، بو گون باشلایان IMX19 دنیز مانورونا، آمریکا دنیز گوجلری ده داخیل اولماقلا 56 اؤلکه ایله 7 اولوسلار آراسی تشکیلاتین قاتیلدیغی قئید ائدیلدی.
آچیقلامادا مانورون ایلک مرحلهسینده اولوسلار آراسی دنیز تیجارتی و گزی سربستیسی ایله علاقهدار نظری تحصیل وئریلهجگی، ایکینجی مرحلهده ایسه اولوسلار آراسی دنیز اولاشیمینا ایستیقامتلی تهدیدلری ائتکیسیز حالا گتیرمک مقصدیله مانورا قاتیلان بوتون گمیلرین دنیزه آچیلاجاغی دیله گتیریلدی. مانورون نه زامان سونا چاتاجاغینا باغلی معلومات وئریلمهدی.